'ഇന്ത്യക്കാർക്ക് സൗദിയിലേക്ക് യാത്രാ വിലക്ക്'; വാര്‍ത്തകളോട് പ്രതികരിച്ച് സർക്കാർ വൃത്തങ്ങൾ -

ഇന്ത്യക്കാർക്ക് സൗദി അറേബ്യയിലേക്ക് യാത്ര ചെയ്യാൻ നിയന്ത്രണങ്ങൾ ഇല്ലെന്ന് സർക്കാർ വൃത്തങ്ങൾ. ഇന്ത്യക്കാർക്ക് സൗദി യാത്രാ വിലക്ക് ഏർപ്പെടുത്തിയെന്ന റിപ്പോർട്ട് അടിസ്ഥാനരഹിതം. ഹജ്ജ് സമയത്ത് ഹ്രസ്വകാല വിസയ്ക്ക് സാധാരണ നിയന്ത്രണം ഉള്ളതാണെന്നാണ് വിശദീകരണം.

അതേസമയം ഹജ്ജ് തീർഥാടകർക്ക് മികച്ച സൗകര്യമൊരുക്കാനായി ഞങ്ങൾ ശ്രമങ്ങൾ തുടരുമെന്ന് സൗദി കിരീടാവകാശി അമീർ മുഹമ്മദ് ബിൻ സൽമാൻ പറഞ്ഞു. സൽമാൻ രാജാവിനെ പ്രതിനിധീകരിച്ച് മിനയിലെ കൊട്ടാരത്തിൽ ഈദുൽ അദ്ഹ ആശംസകൾ നേരാനെത്തിയവർക്ക് വേണ്ടി ഒരുക്കിയ സ്വീകരണപരിപാടിയിൽ സംസാരിക്കുകയായിരുന്നു അദ്ദേഹം. സൽമാൻ രാജാവിന്റെ പേരിൽ പൗരന്മാർക്കും താമസക്കാർക്കും തീർഥാടകർക്കും കിരീടാവകാശി ഈദാശംസകൾ നേർന്നു.