ഹൃദയാഘാതം;സൗദിയിൽ പ്രവാസി മലയാളി മരിച്ചു -

ഹൃദയാഘാതത്തെ തുടർന്ന് മലയാളി സൗദിയിലെ ജിദ്ദക്ക് സമീപം റാബഖിൽ നിര്യാതനായി. പാലക്കാട് ചെർപ്പുളശ്ശേരി കാറൽമണ്ണ സ്വദേശി ചെറങ്ങോട്ടുകൊളേരി രാധാകൃഷ്ണൻ (48) ആണ് മരിച്ചത്. അഞ്ച് വർഷമായി റാബഖിൽ കനൂസ് കോൺട്രാക്റ്റിങ് കമ്പനിയിൽ സ്റ്റോർകീപ്പറായി ജോലി ചെയ്യുകയായിരുന്നു.

പിതാവ്: ഗോവിന്ദൻ, മാതാവ്: പരേതയായ പാറുകുട്ടി, ഭാര്യ: ജിഷ വെള്ളാരംപാറ, മക്കൾ: അശ്വിൻ (ബിരുദ വിദ്യാർഥി), അഭിനവ് (10ാം ക്ലാസ്), സഹോദരി: രാജലക്ഷ്മി. മൃതദേഹം തിങ്കളാഴ്ച പുലർച്ചെ ജിദ്ദയിൽനിന്നുള്ള ഇൻഡിഗോ വിമാനത്തിൽ കോഴിക്കോട് വിമാനത്താവളത്തിലും തുടർന്ന് വീട്ടിലുമെത്തിക്കും. വീട്ടിലെ പൊതുദർശനത്തിനു ശേഷം രാവിലെ 8.30 ഓടെ സംസ്ക്കാരം നടത്തുന്നതിന്നായി തിരുവില്വാമല ഐവർമഠത്തിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.