രാജ്യസഭാംഗമായി നടൻ കമൽ ഹാസൻ സത്യപ്രതിജ്ഞ ചെയ്തു

രാജ്യസഭാംഗമായി നടൻ കമൽ ഹാസൻ സത്യപ്രതിജ്ഞ ചെയ്തു. തമിഴിലാണ് കമൽ ഹാസൻ സത്യപ്രതിജ്ഞ ചൊല്ലിയത്. പാർലമെന്റിലേക്കുള്ള യാത്ര തനിക്ക് ഏറെ അഭിമാനകരമാണെന്ന് കമൽ ഹാസൻ പറഞ്ഞു. നിരവധി കാര്യങ്ങൾ ചെയ്തു തീർക്കാനുണ്ടെന്നും അദ്ദേഹം വ്യക്തമാക്കി.

2024ലെ ലോക്സഭാ തെരഞ്ഞെടുപ്പിൽ നിന്നും മക്കൾ നീതി മയ്യം വിട്ടുനിൽക്കാൻ തീരുമാനിച്ചെങ്കിലും, ഭരണകക്ഷിയായ ഡിഎംകെയ്ക്ക് പിന്തുണ നൽകിയിരുന്നു. ഇതിനെ തുടർന്നാണ് കമൽ ഹാസന് ഡിഎംകെ രാജ്യസഭാ സീറ്റ് നൽകിയത്.

അതേസമയം ബീഹാർ വോട്ടർ പട്ടിക പരിഷ്കരണം, ഉപരാഷ്ട്രപതിയുടെ അപ്രതീക്ഷിത രാജി വിഷയങ്ങളിൽ പാർലമെന്റ് ഇന്നും പ്രതിഷേധമുണ്ടായി. ബീഹാർ വോട്ടർപട്ടിക പരിഷ്കരണ ഉന്നയിച്ച പ്രതിപക്ഷം നടുത്തളത്തിൽ ഇറങ്ങി. ഇതേ തുടർന്ന് ലോക്സഭാ രണ്ടുമണിവരെ പിരിഞ്ഞു.