ഫ്രാൻസിൽ നടന്ന ജി7 ഉച്ചകോടിക്കിടെ “ഞാനാണ് ബോസ്” എന്ന പരാമർശം നടത്തിയതിനെച്ചൊല്ലി ലോകവ്യാപകമായി ചർച്ചയായ സാഹചര്യത്തിൽ വിശദീകരണവുമായി അമേരിക്കൻ പ്രസിഡന്റ് ഡൊണാൾഡ് ട്രംപ് രംഗത്ത്. താൻ പറഞ്ഞത് ഗൗരവമായ പരാമർശമല്ലെന്നും വെറും തമാശയായി പറഞ്ഞതാണെന്നും അത് തെറ്റിദ്ധരിക്കപ്പെട്ടുവെന്നുമാണ് ട്രംപ് വ്യക്തമാക്കിയത്.
ആ പരാമർശം ഒരു തമാശയായിട്ടാണ് ഉദ്ദേശിച്ചതെന്നും സന്ദർഭത്തിൽ നിന്ന് അടർത്തിമാറ്റിയതാണെന്നും അദ്ദേഹം വിശദീകരിച്ചു. ആ നിമിഷം ഓർമ്മിച്ചുകൊണ്ട് അവതാരകൻ ട്രംപിനോട് ചോദിച്ചു, “നിങ്ങൾ അകത്തേക്ക് കയറി, ഞാൻ ബോസ് ആണ് എന്ന് പറഞ്ഞു. അവരിൽ എത്ര പേർ അത് വിശ്വസിക്കും?”… ‘ലോക നേതാക്കൾ ഇരിക്കുന്ന ഒരു മുറിയിലേക്ക് നടക്കുമ്പോൾ താൻ വെറുതെ തമാശ പറയുകയായിരുന്നു’
എന്ന് യുഎസ് പ്രസിഡന്റ് പറഞ്ഞു, ആ പരാമർശം ഒരിക്കലും ഗൗരവമായി എടുക്കേണ്ടതല്ല, പക്ഷേ വ്യാപകമായി പ്രചരിപ്പിക്കപ്പെട്ടുവെന്നും കൂട്ടിച്ചേർത്തു. പക്ഷേ ഞാൻ തമാശക്കാരനാകുകയായിരുന്നു. എന്താണ് സംഭവിച്ചത്, അവരെല്ലാം ഇരിക്കുകയായിരുന്നു, തുടർന്ന് ഞാൻ മുറിയിലേക്ക് നടന്നു.” – ട്രംപ് പറഞ്ഞു.
‘ദി ആക്സിയോസ് ഷോ’യിലെ അഭിമുഖത്തിൽ സംഭവം വിശദീകരിച്ച ട്രംപ്, ജി7 നേതാക്കൾ എല്ലാം ഇതിനകം ഇരുന്നിരുന്ന മുറിയിലേക്ക് താൻ കടന്നുവരുമ്പോഴാണ് ആ വാക്കുകൾ പറഞ്ഞതെന്നും, അത് ഒരിക്കലും അധികാരം പ്രകടിപ്പിക്കാനുള്ള ശ്രമമല്ലായിരുന്നുവെന്നും ട്രംപ് പറഞ്ഞു.
അതേസമയം ജി7 ഉച്ചകോടിയുടെ അവസാന ദിവസത്തെ യോഗത്തിനിടെ നടന്ന ഈ സംഭവം മറ്റ് നേതാക്കൾക്കിടയിൽ ചിരിയുണർത്തി. ഫ്രാൻസ് പ്രസിഡന്റ് ഇമ്മാനുവേൽ മാക്രോൺ ഉൾപ്പെടെയുള്ള നേതാക്കൾ പരാമർശം സൗഹൃദപരമായി ഏറ്റെടുത്ത് പ്രതികരിച്ചതായാണ് റിപ്പോർട്ടുകൾ. മാക്രോൺ ട്രംപിനോട് “എങ്ങനെയുണ്ട്?” എന്ന് ചോദിച്ചതിന് “നന്നായി, നന്ദി” എന്നാണ് ട്രംപ് മറുപടി നൽകിയതും ശ്രദ്ധേയമായി.