ടെറർ ഹൊറർ ചിത്രം; രശ്‌മിക മന്ദാനയുടെ പുതിയ ചിത്രത്തിന്റെ ടൈറ്റിൽ പോസ്റ്റർ പുറത്ത്

രശ്‌മിക മന്ദാന നായികയായി എത്തുന്ന പുതിയ ചിത്രത്തിന്റെ ടൈറ്റിൽ പോസ്റ്റർ പുറത്ത്. രവീന്ദ്ര പുല്ലെ സംവിധാനം നിർവ്വഹിക്കുന്ന മൈസ എന്ന ചിത്രമാണ് രശ്മികയുടേതായി അണിയറയിൽ ഒരുങ്ങുന്നത്. ദുൽഖർ ആണ് മൈസയുടെ മലയാളം പോസ്റ്റർ റിലീസ് ചെയ്തിരിക്കുന്നത്. മലയാളത്തിന് പുറമെ ഹിന്ദി, തെലുങ്ക്, കന്നഡ, തമിഴ് ഭാഷകളിൽ മൈസ റിലീസ് ചെയ്യും.

അതേസമയം ഫസ്റ്റ് ലുക്ക് ഇതിനകം ഏറെ ശ്രദ്ധനേടി കഴിഞ്ഞു. ടെറർ ഹൊറർ ലൂക്കിലുള്ള രശ്മികയുടെ കഥാപാത്രത്തിന് സോഷ്യൽ മീഡിയയിൽ ഇതിനകം മികച്ച പ്രതികരണമാണ് ലഭിക്കുന്നത്. ‘ഹണ്ടഡ്, വൂണ്ടഡ്, അൺബ്രോക്കൺ’ എന്ന ടാഗ്‌ലൈനോട് കൂടിയായിരുന്നു സിനിമയുടെ പ്രഖ്യാപനം. രശ്മികയുടേതായി ഇതുവരെ പുറത്തിറങ്ങിയ സിനിമകളിൽ നിന്ന് ഏറെ വ്യത്യസ്തമായ വേഷമാണ് ഈ ചിത്രത്തിൽ.

അൺഫോർമുല ഫിലിംസിന്റെ ബാനറിലാണ് ഈ ചിത്രത്തിൻ്റെ നിര്‍മ്മാണം നിർവ്വഹിക്കുന്നത്. ‘പുഷ്പ 2: ദി റൂൾ’, ‘ഛാവ’, ‘സികന്ദർ’, ‘കുബേര’ തുടങ്ങിയ സിനിമകളുടെ വിജയത്തിനു ശേഷം എത്തുന്ന രശ്മികയുടെ അടുത്ത ചിത്രമാണ് മൈസ.