ഐ. പി. എൽ : കൊല്‍ക്കത്ത നൈറ്റ് റൈഡേഴ്സിന് മിന്നും ജയം; സണ്‍റൈസേഴ്സ് ഹൈദരാബാദിനെ 80 റണ്‍സിന് തുരത്തി

കൊല്‍ക്കത്ത: ഇന്ത്യന്‍ പ്രീമിയര്‍ ലീഗില്‍ സണ്‍റൈസേഴ്സ് ഹൈദരാബാദിനെതിരെ കൊല്‍ക്കത്ത നൈറ്റ് റൈഡേഴ്സിന് 80 റണ്‍സിന്റെ മിന്നും ജയം. കെ കെ ആറിന്റെ 200 റണ്‍സിന്റെ ടോട്ടല്‍ ലക്ഷ്യമിട്ടിറങ്ങിയ എസ് ആര്‍ എച്ച് 120 റണ്‍സിലൊതുങ്ങി. മൂന്ന് വിക്കറ്റ് വീതം നേടിയ വൈഭവ് അറോറയും വരുണ്‍ ചക്രവര്‍ത്തിയുമാണ് എസ് ആര്‍ എച്ചിനെ തകര്‍ത്തത്. എസ് ആര്‍ എച്ചിന് വേണ്ടി ഹെന്‍ഡ്രിച്ച് ക്‌ളാസനും കാമിണ്ടു മെന്‍ഡിസുമാണ് ഭേദപ്പെട്ട പ്രകടനം നടത്തിയത്. ക്ലാസന്‍ 33 റണ്‍സ് നേടിയപ്പോള്‍ മെന്‍ഡിസ് 27 റണ്‍സ് നേടി.

നേരത്തെ അവസാന ഓവറുകളില്‍ വെങ്കടേഷ് അയ്യര്‍ തകര്‍ത്തടിച്ചപ്പോള്‍ സണ്‍റൈസേഴ്സ് ഹൈദരാബാദിനെതിരായ കൊല്‍ക്കത്ത നൈറ്റ് റൈഡേഴ്സിന് 200 റണ്‍സിന്റെ ടോട്ടല്‍ സ്വന്തമാക്കി. വെങ്കടേഷ് അയ്യര്‍ 29 പന്തില്‍ മൂന്ന് സിക്സറും ഏഴ് ഫോറുകളും അടക്കം 60 റണ്‍സ് നേടി. റിങ്കു സിങ് 17 പന്തില്‍ 32 റണ്‍സ് നേടി മികച്ച പിന്തുണ നല്‍കി.

നേരത്തെ ടോസ് നഷ്ടപ്പെട്ട് ബാറ്റിങിനിറങ്ങിയ കൊല്‍ക്കത്തയ്ക്ക് തുടക്കത്തില്‍ തന്നെ രണ്ട് വിക്കറ്റുകള്‍ നഷ്ടമായിരുന്നു. രണ്ടാം ഓവറില്‍ ഡീ കോക്കിന്റെയും മൂന്നാം ഓവറില്‍ സുനില്‍ നരെയ്നിന്റെയും വിക്കറ്റുകള്‍ നഷ്ടമായി.

എന്നാല്‍ തുടര്‍ന്ന് ക്രീസിലെത്തിയ അജിന്‍ക്യ രഹാനെയും അങ്ക്കൃഷ് രഘുവംഷിയും മികച്ച പ്രകടനം നടത്തി. രഹാനെ 38 റണ്‍സെടുത്ത് പുറത്തായപ്പോള്‍ രഘുവംഷി 50 റണ്‍സെടുത്ത് പുറത്തായി. നിലവില്‍ വെങ്കിടേഷ് അയ്യരും റിങ്കു സിങ്ങുമാണ് ക്രീസില്‍. മുഹമ്മദ് ഷമി, പാറ്റ് കമ്മിന്‍സ്, സീഷന്‍ അന്‍സാരി, കമിണ്ടു മെന്‍ഡിസ്, ഹര്‍ഷല്‍ പട്ടേല്‍ എന്നിവര്‍ ഹൈദരാബാദിനായി ഓരോ വിക്കറ്റുകള്‍ നേടി.