മലപ്പുറം, സെപ്റ്റംബർ : പെരിന്തൽമണ്ണയിലെ കോഴിക്കോട് റോഡിൽ ശാന്തി നഗറിലുള്ള സി ടി ടവറിൽ സൗത്ത് ഇന്ത്യൻ ബാങ്കിന്റെ പെരിന്തൽമണ്ണ ശാഖ പുതിയ മേൽവിലാസത്തിൽ കൂടുതൽ സൗകര്യങ്ങളോടുകൂടി പ്രവർത്തനം ആരംഭിച്ചു. ചമയം ടെക്സ്റ്റൈൽസ്, പെരിന്തൽമണ്ണ മാനേജിംഗ് ഡയറക്ടർ മുണ്ട്രയിൽ മുഹമ്മദ് പുതിയ ശാഖാ കെട്ടിടത്തിന്റെ ഉദ്ഘാടനം നിർവഹിച്ചു. ബാങ്കിന്റെ ഉപഭോക്താക്കളും അഭ്യുദയകാംക്ഷികളും മറ്റ് വിശിഷ്ടാതിഥികളും ചടങ്ങിൽ പങ്കെടുത്തു.
ശാഖയിലെ ഓൺസൈറ്റ് എ.ടി.എം സൗകര്യത്തിന്റെ ഉദ്ഘാടനം സ്കൈ ഗോൾഡ് ഗ്രൂപ്പ് ഓഫ് കമ്പനീസ് മാനേജിംഗ് ഡയറക്ടർ റഫീഖ് പാറയിലും സ്ട്രോംഗ് റൂമിന്റെ ഉദ്ഘാടനം ജെയ്ൻ മാർക്കറ്റിംഗ് മാനേജിംഗ് പാർട്ണർ ജോഷി ഫ്രാൻസിസും നിർവഹിച്ചു. സൗത്ത് ഇന്ത്യൻ ബാങ്ക് ജനറൽ മാനേജറും എമർജിംഗ് കോർപ്പറേറ്റ് ഗ്രൂപ്പ് ബിസിനസ് ഹെഡുമായ ബിനോയ് ആർ. കെ., ഡെപ്യൂട്ടി ജനറൽ മാനേജറും ഗവൺമെന്റ് ബിസിനസ് ഹെഡുമായ രഞ്ജിത്ത് ആർ. നായർ, ഡെപ്യൂട്ടി ജനറൽ മാനേജറും കോഴിക്കോട് റീജിയണൽ ഹെഡുമായ ജാക്വലിൻ എം. ഫെർണാണ്ടസ്, ക്ലസ്റ്റർ ഹെഡ് ഉമേഷ് പി. കെ., ബ്രാഞ്ച് ഹെഡ് നന്ദഗോപാൽ എസ്. എന്നിവരും ചടങ്ങിൽ സന്നിഹിതരായിരുന്നു.
പുതിയ മേൽവിലാസത്തിൽ പ്രവർത്തനം ആരംഭിച്ച പെരിന്തൽമണ്ണ ശാഖയിലൂടെ പ്രദേശത്തെ വ്യക്തിഗത ഉപഭോക്താക്കൾക്കും ബിസിനസ് സ്ഥാപനങ്ങൾക്കും സൗത്ത് ഇന്ത്യൻ ബാങ്കിന്റെ റീട്ടെയിൽ, ബിസിനസ് ബാങ്കിംഗ് സേവനങ്ങൾ കൂടുതൽ എളുപ്പത്തിലും കാര്യക്ഷമമായും ലഭ്യമാക്കാൻ പുതിയ ബ്രാഞ്ച് സഹായിക്കും. പ്രദേശവാസികളുമായും വ്യാപാര-വ്യവസായ സമൂഹവുമായും വർഷങ്ങളായി തുടരുന്ന ബന്ധം കൂടുതൽ ദൃഢമാക്കുന്നതിനും നഗരത്തിലെ ബാങ്കിംഗ് സാന്നിധ്യം കൂടുതൽ ശക്തമാക്കുന്നതിനുമുള്ള ബാങ്കിന്റെ പ്രതിബദ്ധതയുടെ ഭാഗമായാണ് ഈ സ്ഥലംമാറ്റം.
ബാങ്കിന്റെ ഉപഭോക്താക്കളും അഭ്യുദയകാംക്ഷികളും മറ്റ് വിശിഷ്ട വ്യക്തികളും ഉദ്ഘാടന ചടങ്ങിന്റെ ഭാഗമായി.
***
*ഫോട്ടോ ക്യാപ്ഷൻ:* സൗത്ത് ഇന്ത്യൻ ബാങ്കിന്റെ പുതിയ പെരിന്തൽമണ്ണ ശാഖാ കെട്ടിടത്തിന്റെ ഉദ്ഘാടനം ചമയം ടെക്സ്റ്റൈൽസ് മാനേജിംഗ് ഡയറക്ടർ മുണ്ട്രയിൽ മുഹമ്മദ് നിർവഹിക്കുന്നു. സ്കൈ ഗോൾഡ് ഗ്രൂപ്പ് ഓഫ് കമ്പനീസ് മാനേജിംഗ് ഡയറക്ടർ റഫീഖ് പാറയിൽ, ജെയ്ൻ മാർക്കറ്റിംഗ് മാനേജിംഗ് പാർട്ണർ ജോഷി ഫ്രാൻസിസ്, സൗത്ത് ഇന്ത്യൻ ബാങ്ക് ജനറൽ മാനേജറും എമർജിംഗ് കോർപ്പറേറ്റ് ഗ്രൂപ്പ് ബിസിനസ് ഹെഡുമായ ബിനോയ് ആർ. കെ, ഡെപ്യൂട്ടി ജനറൽ മാനേജറും ഗവൺമെന്റ് ബിസിനസ് ഹെഡുമായ രഞ്ജിത്ത് ആർ. നായർ, ഡെപ്യൂട്ടി ജനറൽ മാനേജറും കോഴിക്കോട് റീജിയണൽ ഹെഡുമായ ജാക്വലിൻ എം. ഫെർണാണ്ടസ്, ക്ലസ്റ്റർ ഹെഡ് ഉമേഷ് പി. കെ., ബ്രാഞ്ച് ഹെഡ് നന്ദഗോപാൽ എസ്. എന്നിവരും സൗത്ത് ഇന്ത്യൻ ബാങ്കിന്റെ ഉപഭോക്താക്കളും സമീപം.
***