കൊച്ചി: നാഷണല് ഹൈവേസ് അതോറിറ്റി ഓഫ് ഇന്ത്യ (എന്എച്ച്എഐ) സ്പോണ്സര് ചെയ്യുന്ന ഇന്ഫ്രാസ്ട്രക്ചര് ഇന്വെസ്റ്റ്മെന്റ് ട്രസ്റ്റായ രാജ്മാര്ഗ് ഇന്ഫ്ര ഇന്വെസ്റ്റ്മെന്റ് ട്രസ്റ്റിന്റെ പ്രാഥമിക പൊതു ഓഹരി വില്പന (ഐപിഒ) 2026 മാര്ച്ച് 11 മുതല് 13 വരെ നടക്കും. ഐപിഒയിലൂടെ 6000 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്.
ഓഹരി ഒന്നിന് 99 മുതല് 100 രൂപവരെയാണ് വില നിശ്ചയിച്ചിരിക്കുന്നത്. കുറഞ്ഞത് 150 യൂണിറ്റുകള്ക്കും തുടര്ന്ന് 150 ന്റെ ഗുണിതങ്ങള്ക്കും അപേക്ഷിക്കാം.
ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും. എസ്ബിഐ ക്യാപിറ്റല് മാര്ക്കറ്റ്സ് ലിമിറ്റഡ്, ആക്സിസ് ക്യാപിറ്റല് ലിമിറ്റഡ്, ഐസിഐസിഐ സെക്യൂരിറ്റീസ് ലിമിറ്റഡ്, മോത്തിലാല് ഓസ്വാള് ഇന്വെസ്റ്റ്മെന്റ് അഡ്വൈസേഴ്സ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജര്മാര്.