ഇന്ത്യൻ യാട്ട് വിഴിഞ്ഞത്ത് എത്തി

ഇന്ത്യൻ യാട്ട് വിഴിഞ്ഞത്ത് എത്തി

കോവളം : ഇന്ത്യൻ യാട്ട് വിഴിഞ്ഞം തുറമുഖത്ത് എത്തി . വിഴിഞ്ഞം തുറമുഖത്ത്ആർമിക്കു നിർമിച്ച യാട്ട് കൈമാറാനുള്ള യാത്രയ്ക്ക് ഇടയിലാണ് എത്തിയത്. ബുധനാഴ്ച ഉച്ചകഴിഞ്ഞ് ഐഎഎസി ത്രിവേണി എന്ന യാട്ട് പോണ്ടിച്ചേരിയിൽനിന്നു മുംബൈക്കുള്ള യാത്രാമധ്യേ ഇന്ധനം, ജലം, പ്രൊവിഷൻ എന്നിവയായിട്ടാണ് പുതിയ വാർഫിൽ എത്തിയത് .

പോണ്ടിച്ചേരി  അൾട്രാ മറൈൻ യാട്ട് പ്രൈ. ലിമിറ്റഡ്‌ മുംബൈ ആർമി അഡ്വഞ്ചർ നോഡൽ കേന്ദ്രത്തിനുവേണ്ടിയാണിത് ഇന്ത്യൻ യാട്ട് നിർമിച്ചത്. ഇതിൽ ഒരു വനിതാ നാവിക ഉൾപ്പെടെ ആറുപേർ യാട്ടിലുണ്ട്. വിഴിഞ്ഞം തുറമുഖ പർസർ എസ് വിനുലാൽ, അസി. പോർട്ട് കൺസർവേറ്റർ എം എസ്  അജീഷ് എന്നിവരുൾപ്പെട്ട യുള്ള സംഘം യാട്ടിൽ പരിശോധന നടത്തി. കൂടാതെ എമിഗ്രേഷൻ,കോസ്‌റ്റൽ പൊലീസ് അധികൃതർ എന്നിവരുമുണ്ടായിരുന്നു. ഇന്ത്യൻ യാട്ട് രാത്രിയോടെ തീരം വിട്ടു.