സ്റ്റണ്ട് ഡയറക്ടർ ജോളി ബാസ്റ്റിൻ അന്തരിച്ചു

കണ്ണൂർ സ്ക്വാഡ് സ്റ്റണ്ട് ഡയരക്‌ടറും നടനുമായ ജോളി ബാസ്റ്റിൻ അന്തരിച്ചു.ഇന്നലെ രാത്രി ആയിരുന്നു മരണം. ഇന്നലെ വൈകിട്ട് നെഞ്ചു വേദന ഉണ്ടാവുകയും ഉടൻ തന്നെ വണ്ടാനം ആശുപത്രിയിൽ പ്രവേശിപ്പിച്ചു. എന്നാൽ ജീവൻ രക്ഷിക്കാൻ ആയില്ല.

കുടുംബവുമായി ബാംഗ്ലൂർ നിന്നും ക്രിസ്മസ് പ്രമാണിച്ച് ആലപ്പുഴ എത്തിയ അദ്ദേഹം എല്ലാ ബന്ധുക്കളെയും കണ്ടിരുന്നു. കമ്മട്ടിപാടം, മാസ്റ്റർ പീസ്, അങ്കമാലി ഡയറീസ്, ഡ്രൈവിങ് ലൈസൻസ്, ഓപ്പറേഷൻ ജാവ, തങ്കം, നാ താൻ കേസ് കൊട് തുടങ്ങിയ ചിത്രങ്ങളിലും ഫൈറ്റ് മാസ്റ്റർ ആയിരുന്നു.സൈലൻസ് എന്ന ചിത്രത്തിൽ വില്ലൻ വേഷത്തിൽ അഭിനയിച്ചു.53 വയസായിരുന്നു. ജോളി ബാസ്റ്റ്യൻ 400 ചിത്രങ്ങളില്‍ അധികം വിവിധ ഭാഷകളിലായി സ്റ്റണ്ട് ഡയറക്ടറായിട്ടുണ്ട്.