കൊൽക്കത്ത സംസ്‌കൃത കോളേജിലെയും യൂണിവേഴ്‌സിറ്റിയിലെയും സിൻഡിക്കേറ്റ് അംഗമായി ഡോ ലക്ഷ്മി വിജയൻ നോമിനേറ്റ് ചെയ്തു

പശ്ചിമ ബംഗാളിലെ കൊൽക്കത്തയിലെ സംസ്‌കൃത കോളേജിൻ്റെയും യൂണിവേഴ്‌സിറ്റിയുടെയും സിൻഡിക്കേറ്റ് അംഗമായി ഡോ.ലക്ഷ്മി വിജയൻ വി ടി നാമനിർദ്ദേശം ചെയ്യപ്പെട്ടു. തിരുവനന്തപുരം ഭാരതീയ വിചാരകേന്ദ്രം ജില്ലാ വർക്കിങ് പ്രസിഡൻ്റാണ് ഡോ. ലക്ഷ്മി വിജയൻ.

200 വർഷത്തെ ചരിത്രമുള്ള ബംഗാളിലെ ഏറ്റവും പഴയ സർവകലാശാലയാണ് കൊൽക്കത്തയിലെ സംസ്‌കൃത കോളേജും സർവകലാശാലയും. ഈശ്വർ ചന്ദ്ര വിദ്യാസാഗർ ഉൾപ്പെടെയുള്ള സംസ്‌കൃത പണ്ഡിതർ വിശിഷ്ട സർവ്വകലാശാലയിലെ പൂർവ്വ വിദ്യാർത്ഥികളാണ്. ബംഗാൾ ഗവർണർ സി.വി. ആനന്ദ ബോസ് കൊൽക്കത്തയിലെ പ്രശസ്തമായ സംസ്‌കൃത കോളേജിൻ്റെയും സർവകലാശാലയുടെയും 200-ാം വാർഷിക ആഘോഷത്തോട് അനുബന്ധിച്ച് സർവകലാശാലയുടെ സിൻഡിക്കേറ്റ് പുനഃസംഘടിപ്പിച്ചു.