സംവിധായകനും നടനുമായ മേജർ രവി ബിജെപിയിൽ ചേർന്നു

പ്രമുഖ ചലച്ചിത്ര സംവിധായകനും നടനുമായ മേജർ രവി ബിജെപിയിൽ ചേർന്നു. ഡൽഹിയിൽ പാർട്ടി അംഗത്വമെടുത്ത അദ്ദേഹം ബിജെപി ദേശീയ അധ്യക്ഷൻ ജെപി നദ്ദയെ കണ്ടു. കേരള ബിജെപി അധ്യക്ഷൻ കെ സുരേന്ദ്രനും ഒപ്പമുണ്ടായിരുന്നു. ലോക്‌സഭാ തെരഞ്ഞെടുപ്പിൽ കേരളത്തിൽ നിന്ന് രവി ബിജെപി സ്ഥാനാർത്ഥിയാകാനാണ് സാധ്യത. വരും ദിവസങ്ങളിൽ കൂടുതൽ നേതാക്കൾ പാർട്ടിയിൽ ചേരുമെന്ന് ബിജെപി വൃത്തങ്ങൾ അറിയിച്ചു.

കണ്ണൂർ കോൺഗ്രസ് മുൻ ജില്ലാ ജനറൽ സെക്രട്ടറി സി രഘുനാഥും ബിജെപിയിൽ ചേർന്നു.
കഴിഞ്ഞ നിയമസഭാ തെരഞ്ഞെടുപ്പിൽ പിണറായി വിജയനെതിരെ ധർമ്മടത്ത് മത്സരിച്ചയാളാണ് സി രഘുനാഥ്. സംസ്ഥാന നേതൃത്വത്തിന്റെ അവഗണന മൂലമാണ് രാജിയെന്ന് അദ്ദേഹം പറഞ്ഞു.