ഭ്രമയുഗത്തിന്റെ സൗണ്ട്ട്രാക്ക് പുറത്ത്

ഈ വർഷo മമ്മൂട്ടിയുടേതായി ഏറെ പ്രതീക്ഷ ഉള്ള സിനിമയാണ് ഭ്രമയുഗം. ബ്ലാക്ക് ആൻഡ് വൈറ്റിൽ എത്തുന്ന സിനിമയിൽ നെഗറ്റീവ് ഷെഡ് ഉള്ള കഥാപാത്രത്തെയായിരിക്കും മമ്മൂട്ടി അവതരിപ്പിക്കുക. ഇപ്പോൾ ഭ്രമയുഗം റിലീസിനായി കാത്തിരിക്കുന്നവര്‍ക്ക് മുന്നില്‍ പുതിയ അപ്‌ഡേറ്റ് പുറത്തുവിട്ടിരിക്കുകയാണ് അദ്ദേഹം.

ഭ്രമയുഗത്തിന്റെ സൗണ്ട്ട്രാക്കാന് സിനിമയുടെ പുതിയ അപ്ഡേറ്റ് ആയി മമ്മൂട്ടി പുറത്തുവിട്ടിരിക്കുകയാണ്. തീം ഉള്‍പ്പടെ ആറ് ട്രാക്കുകളാണ് സിനിമയില്‍ ഉള്ളത്. പാണന്‍ പാട്ടുകളെ അനുസ്മരിപ്പിക്കുന്ന രീതിയിലും നിഗൂഢതകള്‍ സമ്മാനിക്കുന്ന തരത്തിലുമുള്ളതാണ് പാട്ടുകള്‍. ഭ്രമയുഗം ട്രാക്കുകള്‍ യുട്യൂബിലും പ്രധാന സ്ട്രീമിംഗ് പ്ലാറ്റ് ഫോമിലും ലഭ്യമാണ്. ക്രിസ്റ്റോ സേവ്യര്‍ ആണ് സംഗീതം നല്‍കിയിരിക്കുന്നത്. ദിന്‍ നാഥ് പുത്തഞ്ചേരി, അമ്മു മരിയ അലക്‌സ് എന്നിവർ രചിച്ച ഗാനങ്ങൾ ആലപിച്ചിരിക്കുന്നത് ക്രിസ്റ്റോ സേവ്യര്‍, അഥീന, സായന്ത് എസ് എന്നിവരാണ്

സൗണ്ട് ട്രാക്കിനൊപ്പം ഭ്രമയുഗത്തിന്റെ പുതിയ പോസ്റ്ററും പുറത്തു വിട്ടു. ഒരു മന്ത്രവാദക്കളത്തിന്റെ മുന്നില്‍, തന്റെ ആരാധന മുര്‍ത്തിയെ ആരാധിക്കാനിരിക്കുന്ന മമ്മൂട്ടിയുടെ കഥാപാത്രത്തെ പോസ്റ്ററില്‍ കാണാം . നേരത്തെ പുറത്തുവന്ന ടീസറില്‍ നിന്നും ചിത്രമൊരു പ്രേത കഥയെയോ മന്ത്രവാദ കഥയെയോ ധ്വനിപ്പിക്കുന്നതാകുമെന്ന് ഉറപ്പ് ന്‍കിയിരുന്നു. ഇത് ഊട്ടി ഉറപ്പിക്കുന്നതാണ് പുത്തന്‍ അപ്‌ഡേറ്റുകളും.

അതേസമയം, ഭ്രമയുഗം ഫെബ്രുവരി 15ന് തിയറ്ററുകളില്‍ എത്തും. ചിത്രത്തിന്റെ കഥ എഴുതി സംവിധാനം ചെയ്തിരിക്കുന്നത് രാഹുല്‍ സദാശിവന്‍ ആണ്. ഷെഹ്നാദ് ജലാല്‍ കടഇ ആണ് ഛായാഗ്രാഹകന്‍ ആകുന്ന ചിത്രത്തിൽ രാമചന്ദ്ര ചക്രവര്‍ത്തിയും എസ് ശശികാന്തുമാണ് നിര്‍മാതാക്കള്‍.