ഡിജിപി ഓഫീസിലേക്ക് കോൺഗ്രസ് മാർച്ച്: പ്രതിഷേധക്കാർക്ക് നേരെ കണ്ണീർ വാതകം പ്രയോഗിച്ചു

ഡിജിപി ഓഫീസിലേക്ക് കോൺഗ്രസ് നടത്തിയ മാർച്ചിൽ പങ്കെടുത്ത പ്രവർത്തകർക്ക് നേരെ പോലീസ് കണ്ണീർ വാതക ഷെല്ലുകൾ പ്രയോഗിച്ചു. കണ്ണീർ വാതക ഷെല്ലിൽ നിന്നുള്ള പുക ശ്വസിച്ച് സ്ത്രീകളടക്കമുള്ള പ്രതിഷേധക്കാർ തളർന്നു. പലർക്കും കണ്ണ് തുറക്കാൻ കഴിഞ്ഞില്ല. പലർക്കും ശ്വാസതടസ്സവും നെഞ്ചെരിച്ചിലും അനുഭവപ്പെട്ടു.പത്തു തവണ ഷെൽ വെടിയുതിർത്തു. ജലപീരങ്കി പ്രയോഗിച്ചു. ഇത് കണ്ണീർ വാതകമല്ല കണ്ണൂർ ഗ്യാസാണ് എന്ന് ചിലർ ആക്രോശിച്ചു. എന്നാൽ പ്രതിഷേധക്കാർ പിരിഞ്ഞുപോകാതെ കണ്ണീർ വാതകം പ്രയോഗിച്ചു. സ്ത്രീകളും പുരുഷന്മാരും ഉൾപ്പെടെയുള്ള പ്രവർത്തകർ സുരക്ഷിത സ്ഥലങ്ങൾ തേടി

കടകളിലേക്കും വീടുകളിലേക്കും ഓടിക്കയറി. ചിലർ കുപ്പിവെള്ളത്തിൽ പലതവണ മുഖം കഴുകി ആശ്വാസം കണ്ടെത്തി. പ്രവർത്തകർ വീണ്ടും സംഘടിക്കുകയും പോലീസിനെതിരെ മുദ്രാവാക്യം വിളിക്കുകയും ചെയ്തു. റോഡ് നിർമ്മാണം നടക്കുന്നതിനാൽ ഗതാഗതം നിയന്ത്രിക്കാൻ റോഡരികിൽ കോണുകൾ ഉണ്ടായിരുന്നു, ഇവ പോലീസിന് നേരെ എറിഞ്ഞു. ഇതോടെ മാനവീയം വീഥിക്ക് നേരെയും പൊലീസ് വെടിയുതിർത്തു. മാധ്യമ പ്രവർത്തകർക്കും പുക ശ്വസിച്ച് ദേഹാസ്വാസ്ഥ്യം അനുഭവപ്പെട്ടു.