കൊൽക്കത്ത: പശ്ചിമ ബംഗാളിൽ ദുർഗാപൂജയോട് അനുബന്ധിച്ച് സർക്കാർ പുറത്തിറക്കിയ പരസ്യം വിവാദത്തിൽ. പരസ്യത്തിൽ ഉപയോഗിച്ച ദുർഗദേവിയുടെ ചിത്രത്തിൽ പരമ്പരാഗത രീതിയിലുള്ള പത്ത് കൈകൾക്ക് പകരം 11 കൈകൾ ഉണ്ടായിരുന്നതാണ് പ്രതിഷേധത്തിന് കാരണമായത്. ഇത് വിശ്വാസികളെ അപമാനിക്കുന്നതാണെന്നും സംസ്ഥാനത്തിന്റെ സംസ്കാരത്തിന് എതിരാണെന്നും ചൂണ്ടിക്കാണിച്ചുകൊണ്ട് പ്രതിപക്ഷം രംഗത്തെത്തി.
വിവാദത്തിന് പിന്നാലെ സംഭവത്തിൽ വിശദീകരണവുമായി സുവേന്ദു അധികാരി രംഗത്തെത്തി. ഗുരുതരമായ പിഴവ് സംഭവിച്ചതിൽ മുഖ്യമന്ത്രി പരസ്യമായി മാപ്പ് പറഞ്ഞു. ദുർഗാപൂജ പരസ്യത്തിൽ അബദ്ധം വരുത്തിയ കുറ്റക്കാർക്ക് കടുത്ത ശിക്ഷ ഉറപ്പാക്കുമെന്നും സർക്കാർ വ്യക്തമാക്കിയിട്ടുണ്ട്. എന്നാൽ, സർക്കാരിന്റെ ഭാഗത്തുനിന്നുള്ള ഈ വീഴ്ചയ്ക്ക് പിന്നിൽ രാഷ്ട്രീയ ലക്ഷ്യങ്ങളുണ്ടെന്നും ബംഗാളിന്റെ ആചാരങ്ങളെ ഭരണകൂടം അവഗണിക്കുകയാണെന്നും തൃണമൂൽ കോൺഗ്രസ് ഇതിനെതിരെ തിരിച്ചടിച്ചു