മുന് മുഖ്യമന്ത്രിയുടെ ഗണ്മാന് അടക്കമുള്ളവരുടെ മര്ദ്ദനക്കേസില് അട്ടിമറി സ്ഥിരീകരിച്ച് പ്രത്യേക അന്വേഷണ സംഘം (എസ്ഐടി). ആദ്യ ഘട്ടത്തില് അന്വേഷണ റിപ്പോര്ട്ട് തിരുത്തിയെന്ന് എസ്ഐടി കണ്ടെത്തി. തെളിവില്ലന്ന് വരുത്തി പ്രതികളെ രക്ഷിക്കാന് ശ്രമം നടന്നെന്നും എസ്ഐടിയുടെ കണ്ടെത്തലില് ഉണ്ട്.എസ്ഐടിയുടെ റിപ്പോര്ട്ട് സംസ്ഥാന പൊലീസ് മേധാവിക്ക് കൈമാറി. അന്വേഷണ ഉദ്യോഗസ്ഥരുടെ മൊഴിയടക്കം രേഖപ്പെടുത്തിയാണ് റിപ്പോര്ട്ട് സമര്പ്പിച്ചിരിക്കുന്നത്. എഡിജിപി അജിത് കുമാര് പറഞ്ഞിട്ടാണ് തിരുത്തല് നടത്തിയതെന്നാണ് എസ്ഐടി റിപ്പോര്ട്ടില് പറയുന്നത്.
അജിത് കുമാറിനെതിരെ മുന് അന്വേഷണ സംഘത്തിന്റെ മൊഴി റിപ്പോര്ട്ടില് ഉള്പ്പെടുത്തിയിട്ടുണ്ട്അജിത് കുമാര് എഡിജിപി ഓഫീസിലേക്ക് വിളിച്ചു വരുത്തിയെന്നാണ് മൊഴി. റിപ്പോര്ട്ട് തിരുത്താന് നിര്ദേശിച്ചെന്നും മൊഴിയുണ്ട്. എഡിജിപി എം ആര് അജിത് കുമാറിനെതിരെ വകുപ്പുതല നടപടിക്ക് സാധ്യതയുണ്ട്.