ചവറ പാലത്തിന്റെ കോണ്‍ക്രീറ്റ് ഭിത്തി അടര്‍ന്നുവീണു

കൊല്ലം : ശക്തമായ മഴയില്‍ ചവറ പാലത്തിന്റെ കോണ്‍ക്രീറ്റ് ഭിത്തി അടര്‍ന്നുവീണു.പ്രദേശത്ത് ശക്തമായ മഴ പെയ്തിരുന്നു. ഇതേ തുടർന്നാണ് അപകടം ഉണ്ടായത്. വശങ്ങളിടിഞ്ഞപ്പോള്‍ പാലത്തിലൂടെ ബസ് ഉള്‍പ്പെടെയുള്ള വാഹനങ്ങള്‍ കടന്നുപോകുന്നുണ്ടായിരുന്നെങ്കിലും വലിയ അപകടം ഉണ്ടായില്ല.പ്രദേശത്ത് മണിക്കൂറുകളോളം ഗതാഗതം മുടങ്ങി.

തിങ്കളാഴ്ച പുലര്‍ച്ചെയോടെയായിരുന്നു സംഭവം ഉണ്ടായത്. സമീപത്തെ മണ്ണൊലിച്ചുപോയി പാലത്തിന്റെ കോണ്‍ക്രീറ്റ് ഭാഗങ്ങള്‍ അടര്‍ന്നുവീഴുകയായിരുന്നു. പാലത്തിന്റെ ഒരുഭാഗത്തെ കോണ്‍ക്രീറ്റിലുണ്ടായ വിള്ളല്‍ മഴപെയ്തതോടെ വലുതായി.

ദേശീയപാത നിര്‍ണാമത്തിലേര്‍പ്പെട്ടിരുന്ന തൊഴിലാളികള്‍ അധികൃതരെ വിവരമറിയിച്ചതിനെത്തുടര്‍ന്ന് ഉദ്യോഗസ്ഥരെത്തി സ്ഥിതിഗതികള്‍ വിലയിരുത്തി.