യുഎപിഎ ചുമത്തപ്പെട്ട മലയാളി യുവാവ് ഡാർക്ക് വെബിൽ സജീവമായിരുന്നു

Vivitha

May 21, 2025

യുഎപിഎ ചുമത്തപ്പെട്ട മലയാളി യുവാവ് ഡാർക്ക് വെബിൽ സജീവമായിരുന്നു

ഡൽഹി: യുഎപിഎ ചുമത്തപ്പെട്ട മലയാളി യുവാവ് റിജാസ് ഡാർക്ക് വെബിൽ സജീവമായിരുന്നുവെന്ന് മഹാരാഷ്‌ട്ര തീവ്രവാദ വിരുദ്ധ സ്ക്വാഡിന്‍റെ (എടിഎസ്) കണ്ടെത്തൽ.

ഓപ്പറേഷൻ സിന്ദൂറിനെതിരെ സമൂഹമാധ്യമത്തിൽ വിമർക്ഷണം നടത്തിയതിന് പിന്നാലെ അറസ്റ്റിലായ റിജാസിന്‍റെ ഓണ്‍ലൈൻ പ്രവർത്തനങ്ങളെക്കുറിച്ച് കൂടുതൽ വിവരങ്ങൾ അന്വേഷണ സംഘത്തിന് ലഭിച്ചു.

പ്രതി ഡാർക്ക് വെബിൽ നിയമവിരുദ്ധ പ്രവർത്തനങ്ങൾ നടത്തിയതായിതെളിഞ്ഞു.വിദ്യാർഥിപ്രക്ഷോഭകനും മാധ്യമപ്രവർത്തകനെന്നു സ്വയം വിശേഷിപ്പിക്കുകയും ചെയ്യുന്ന 26കാരനായ റിജാസ് കഴിഞ്ഞ ഏഴിനാണ് ഇൻസ്റ്റഗ്രാമിൽ രാജ്യവിരുദ്ധത പ്രചരിപ്പിക്കുന്ന പോസ്റ്റിട്ടതിന് പിടിയിലായത്.

റിജാസിന്‍റെ ഇൻസ്റ്റഗ്രാമിൽ നക്സലുകൾക്കെതിരായ കേന്ദ്രസേനകളുടെ ഓപ്പറേഷനുകളെ വിമർശിക്കുന്ന പോസ്റ്റുകളുമുണ്ടായിരുന്നു.പിന്നീട് റിജാസിന്‍റെ എറണാകുളത്തെ വീട്ടിൽ നടത്തിയ റെയ്‌ഡിൽ കുറ്റകരമായ രേഖകളും ചില ഡിജിറ്റൽ തെളിവുകളും ഉദ്യോഗസ്ഥർ പിടിച്ചെടുത്തു.

ഡിജിറ്റൽ ഉപകരണങ്ങളുടെ പ്രാഥമിക പരിശോധനയിൽ നിന്ന് റിജാസ് ഡാർക്ക് വെബിൽ സജീവമായിരുന്നുവെന്നും പ്രകോപനപരമായ അഭിപ്രായങ്ങളും ആശയങ്ങളും പങ്കുവച്ചിരുന്നതായും കണ്ടെത്തിയെന്ന് എടിഎസ് ഉദ്യോഗസ്ഥൻ വെളിപ്പെടുത്തി. കൂടുതൽ അന്വേഷണത്തിനായി ഡിജിറ്റൽ ഉപകരണങ്ങൾ സൈബർ ഫോറൻസിക് ലാബിലേക്ക് അയക്കും.