ചാരായം വാറ്റുന്നതിനിടെ രണ്ടുപേർ എക്‌സൈസ് പിടിയിൽ

ഒറ്റപ്പാലം : ചാരായം വാറ്റുന്നതിനിടെ രണ്ടു പേർ എക്സൈസ് സംഘത്തിൻ്റെ പിടിയിലായി. ഇവരിൽ നിന്ന് 10 ലീറ്റർ ചാരായം പിടിച്ചെടുത്തു.

ചുനങ്ങാട് വാണിവിലാസിനി ഇരുപ്പക്കുഴിപ്പറമ്പ് വീട്ടിൽ സന്ദീപ്(32), വരോട് കൃഷ്ണ നിവാസിൽ ജയകൃഷ്ണൻ (37) എന്നിവരാണ് അറസ്റ്റിലായത്. ഇവർക്കൊപ്പം ഉണ്ടായിരുന്ന ചൂനങ്ങാട് സ്വദേശി വിനോദ് ഒളിവിലാണ്.

ചുനങ്ങാട് നാഗത്തോട്ടിൽൽ വെച്ച് വാറ്റുന്നതിനിടെയാണ് ഇവർ പിടിയിലായത്.15 ലീറ്ററോളം വാഷും വാറ്റുപകരണങ്ങളും നശിപ്പിച്ചു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.