ലേബർ ക്യാമ്പിന് മുകളിലേക്ക് മരം ഒടിഞ്ഞ് വീണു ; ഒരു മരണം

കൊച്ചി: പെരുമ്പാവൂർ ചെറുവേലികുന്നിൽ ലേബർ ക്യാമ്പിന് മുകളിലേക്ക് മരം ഒടിഞ്ഞ് വീണു. അപകടത്തിൽ ഒരാൾ മരിച്ചു. ഇതര സംസ്ഥാന തൊഴിലാളിയായ രാഹുൽ ആണ് മരിച്ചത്.

സംഭവത്തിൽ മൂന്നുപേർക്ക് പരിക്കേറ്റു. ഇന്ന് പുലർച്ചെ അഞ്ചുമണിയോടെയാണ് ദാരുണ സംഭവം നടന്നത്. മരം കടപുഴകി ഷീറ്റ് മേഞ്ഞ ക്യാമ്പിന് മുകളിലേക്ക് വീഴുകയായിരുന്നു. മേൽക്കൂര തകർന്ന് വീണതിനെ തുടർന്നാണ് രാഹുൽ മരിച്ചത്.