ക്ഷേത്രോത്സവ വെടിക്കെട്ടിനിടെ അപകടം ; ആറ് പേര്‍ക്ക് പരിക്ക്

പാലക്കാട്: കോട്ടായി പെരുംകുളങ്ങര ക്ഷേത്രോത്സവത്തിനിടെ വെടിക്കെട്ട് അപകടം. സംഭവത്തിൽ ആറുപേര്‍ക്ക് പരിക്കേറ്റെന്നാണ് പ്രാഥമിക നിഗമനം.

രാത്രി 9.45ഓടെയാണ് അപകടം നടന്നത്. ക്ഷേത്രോത്സവത്തിനിടെ നടത്തിയ
വെടികെട്ടിന്റെ അവസാനം വെടിപ്പുരയ്ക്ക് തീപിടിക്കുകയായിരുന്നു.

സമീപമുള്ള മാടത്തിന് തീപ്പിടിച്ച് പൊട്ടിത്തെറിക്കുകയും അവിടെ ഉണ്ടായിരുന്ന ഓട് തെറിച്ചുവീഴുകയുമായിരുന്നു. ഓട് തെറിച്ച് വീണാണ് പലര്‍ക്കും പരിക്കേറ്റത്.സ്ഥലത്ത് പോലീസ് എത്തി മേൽനടപടികൾ സ്വീകരിച്ചു.