ജയം ഒരു പാണ്ഡ്യയ്ക്ക് മാത്രം സഹോദരനോട് സഹതാപം: ക്രുണാൽ

ഇന്ത്യൻ പ്രീമിയർ ലീഗിൽ മുംബൈ ഇന്ത്യൻസിനെതിരായ റോയൽ ചലഞ്ചേഴ്‌സ് ബെംഗളൂരുവിന്റെ 12 റൺസിന്റെ വിജയത്തിൽ പ്രതികരണവുമായി ഓൾ‌റൗണ്ടർ ക്രുണാൽ പാണ്ഡ്യ. മുംബൈ ക്യാപ്റ്റനും തന്റെ സഹോദരനുമായ ഹാർദിക് പാണ്ഡ്യയോട് സഹതാപം തോന്നുന്നുവെന്ന് പറഞ്ഞ ക്രുണാൽ മത്സരത്തിനൊടുവിൽ ഒരു പാണ്ഡ്യയെ ജയിക്കൂ എന്നും പറഞ്ഞു.

കളിയുടെ അവസാന ഓവറിൽ മുംബൈയ്ക്ക് 19 റൺസ് വേണ്ടിയിരിക്കെ മൂന്ന് വിക്കറ്റുകൾ നേടി മിന്നും പ്രകടനമാണ് ക്രുണാൽ കാഴ്ചവെച്ചത്. മത്സരത്തിൽ 45 റൺസിന് 4 വിക്കറ്റുകൾ വീഴ്ത്തി. റോയൽ ചലഞ്ചേഴ്സ് ബെം​ഗളൂരുവിന്റെ സീസണിലെ മൂന്നാം ജയമായിരുന്നു ഇത്. മുംബൈ ഇന്ത്യൻസിനെ 12 റൺസിനാണ് റോയൽ ചലഞ്ചേഴ്സ് തോൽപ്പിച്ചത്.

32 പന്തില്‍ 64 റണ്‍സ് നേടിയ ത് പാട്ടീദാറാണ് ആര്‍സിബി കൂറ്റന്‍ സ്‌കോര്‍ നേടുന്നതില്‍ നിര്‍ണായക സംഭാവന നല്‍കിയത്. മത്സരത്തില്‍ ആര്‍സിബി അഞ്ചുവിക്കറ്റ് നഷ്ടത്തില്‍ 221 റണ്‍സ് ആണ് നേടിയത്. മറുപടി ബാറ്റിങ്ങിന് ഇറങ്ങിയ മുംബൈ ഇന്ത്യന്‍സിന് ഒന്‍പത് വിക്കറ്റ് നഷ്ടത്തില്‍ 209 റണ്‍സ് മാത്രമാണ് നേടാന്‍ കഴിഞ്ഞത്.