ഞങ്ങൾക്കിടയിൽ ആ വിശ്വാസം ഉണ്ട് ; രോഹിത് ശർമ്മയുമായുള്ള ബന്ധത്തെക്കുറിച്ച് വിരാട് കോഹ്‌ലി

രോഹിത് ശർമ്മയും താനും ഒരുമിച്ചുള്ള കളികൾ ഏറെ ആസ്വദിക്കാറുണ്ടെന്നും, വർഷങ്ങളായി ഒരുമിച്ച് ഒരു രാജ്യത്തെ പ്രതിനിധീകരിക്കുന്നതിനാൽ, തങ്ങൾക്കിടയിൽ ഒരു വിശ്വാസ ഘടകം വളർന്നുവന്നിട്ടുണ്ടെന്നും ഇന്ത്യൻ ഇതിഹാസ ബാറ്റ്‌സ്മാൻ വിരാട് കോഹ്‌ലി.

ക്രിക്കറ്റ് ഇതിഹാസങ്ങളായ കോഹ്‌ലിയും രോഹിതും അന്താരാഷ്ട്ര കരിയർ ആരംഭിച്ചത് ഏതാണ്ട് ഒരേ സമയത്താണ്. ഇരുവരും വർഷങ്ങളായി, എല്ലാ ഫോർമാറ്റുകളിലും ഏറെ മികച്ചവരാണെന്ന് സ്വയം തെളിയിച്ചവരുമാണ്.

വാങ്കഡെ സ്റ്റേഡിയത്തിൽ റോയൽ ചലഞ്ചേഴ്‌സ് ബെംഗളൂരുവും മുംബൈ ഇന്ത്യൻസും തമ്മിലുള്ള വലിയ പോരാട്ടത്തിന് മുന്നോടിയായി, വർഷങ്ങളായി രോഹിത്തുമായുള്ള തന്റെ ബന്ധത്തെക്കുറിച്ച് കോഹ്‌ലി സംസാരിച്ചു.

“ഒരാളുമായി ഇത്രയും കാലം കളിക്കുമ്പോൾ, കളിയെക്കുറിച്ചുള്ള ഉൾക്കാഴ്ചകൾ പങ്കുവെക്കുമ്പോൾ, പരസ്പരം പഠിക്കുമ്പോൾ, കരിയറിൽ ഒരേ സമയം വളരുമ്പോൾ, എല്ലാത്തരം ചോദ്യങ്ങളും പങ്കുവെക്കുമ്പോൾ പരസ്പരം ഒരു വിശ്വാസ ഘടകം ഉരുത്തിരിയുക എന്നത് വളരെ സ്വാഭാവികമായ ഒരു കാര്യമാണെന്ന് ഞാൻ കരുതുന്നു,” ആർ‌സി‌ബി പോസ്റ്റ് ചെയ്ത വീഡിയോയിൽ കോഹ്‌ലി പറഞ്ഞു.

അതേസമയം, ഇന്ത്യൻ പ്രീമിയർ ലീഗിലെ മോശം തുടക്കത്തെ തുടർന്നും, നെറ്റ്സിൽ കാൽമുട്ടിനേറ്റ പരിക്ക് കാരണവും കഴിഞ്ഞ മത്സരങ്ങളിൽ നന്നായി കളിക്കാൻ കഴിയാതിരുന്ന രോഹിതും, വലിയ സ്‌കോറുകൾ നേടാൻ കഴിയാതിരുന്ന തിലക് വർമ്മയുമാണ് മുംബൈയുടെ ബാറ്റിംഗ് പോരാട്ടങ്ങളുടെ കേന്ദ്രബിന്ദുക്കൾ.