വനിത ശിശു വികസന വകുപ്പില്‍ ഒഴിവുകള്‍

വനിത ശിശു വികസന വകുപ്പിന്റെ കീഴില്‍ മിഷന്‍ വത്സല്യയുടെ ഭാഗമായ ആലപ്പുഴ ജില്ലാ ശിശു സംരക്ഷണ യൂണിറ്റില്‍ ഓണ്‍ കാള്‍ അടിസ്ഥാനത്തില്‍ പോക്‌സോ സപ്പോര്‍ട്ട് പെഴ്‌സണ്‍ പാനലിലേക്ക് അപേക്ഷ ക്ഷണിച്ചു. പോക്‌സോ സപ്പോര്‍ട്ട് പെഴ്‌സണ്‍ (10), സ്‌പെഷ്യല്‍ എജ്യുക്കേറ്റര്‍ (10), ട്രാന്‍സ്‌ലേറ്റര്‍ (10), ഇന്റര്‍പ്രെട്ടേഴ്‌സ് (10) എന്നിങ്ങനെയാണ് ഒഴിവുകള്‍. നിശ്ചിത മാതൃകയിലുള്ള അപേക്ഷാ ഫോം, ബയോഡാറ്റാ, യോഗ്യത, പ്രവൃത്തിപരിചയം, വയസ്സ് എന്നിവ തെളിയിക്കുന്ന സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍, ഫോട്ടോ എന്നിവ സഹിതം ഏപ്രില്‍ ഏഴിനകം ജില്ലാ ശിശു സംരക്ഷണ ഓഫീസര്‍, ജില്ലാ ശിശു സംരക്ഷണ യൂണിറ്റ്, കോണ്‍വെന്റ് സ്‌ക്വയര്‍, ആലപ്പുഴ-1 എന്ന വിലാസത്തില്‍ അപേക്ഷിക്കുക. പ്രായപരിധി 2025 മാര്‍ച്ച് ഒന്നിന് 40 വയസ് കവിയരുത്. അപേക്ഷാ ഫോമിന്റെ മാതൃകയ്ക്കും വിശദവിവരങ്ങള്‍ക്കും വനിത ശിശു വികസന വകുപ്പിന്റെ വെബ് സൈറ്റ് www.wcd.kerala.gov.in സന്ദര്‍ശിക്കുക. ഫോണ്‍: 0477-2241644.