റിലീസായിട്ട് 10 വർഷങ്ങൾ; ധനുഷിന്റെ ഹിറ്റ് ചിത്രം ഒ.ടി.ടിയിലേക്ക്

മുൻനിരയിലെ പ്രധാനപ്പെട്ട ഒടിടി പ്ലാറ്റ്‍ഫോമുകളൊക്കെ പഴയ സിനിമകളും ലഭ്യമാക്കുന്നുണ്ട്. അക്കൂട്ടത്തില്‍ മുൻപന്തിയിലാണ് സണ്‍ നെക്സ്റ്റ്. ധനുഷിന്റെ ഹിറ്റായ വേലയില്ലാ പട്ടധാരിയും ഒടിടിയില്‍ സണ്‍ നെക്സ്റ്റിലൂടെ പ്രദര്‍ശനത്തിന് എത്തിയിരിക്കുകയാണ്.

2014ല്‍ പ്രദര്‍ശനത്തിന് എത്തിയ ധനുഷ് ചിത്രമാണ് വേലയില്ലാ പട്ടധാരി. സംവിധാനം നിര്‍വഹിച്ചത് വേല്‍രാജാണ്. ഛായാഗ്രാണം നിര്‍വഹിച്ചതും വേല്‍രാജ് തന്നെയാണ്. അമല്‍ പോള്‍ നായികയായി വന്ന ചിത്രത്തില്‍ ധനുഷിനൊപ്പം ശരണ്യ പൊൻവണ്ണൻ, സമുദ്രക്കനി, വിവേക്, ഹൃഷികേശ്, സുര്‍ഭി, അമിതാഷ് പ്രധാൻ, സെല്‍ മുരുഗൻ, വിഗ്‍നേഷ് ശിവൻ, മീരാ കൃഷ്‍ണൻ, എം ജെ ശ്രീറാം, ബാബ ഭാസ്‍കര്‍ എന്നിവരും ഉണ്ടായിരുന്നപ്പോള്‍ എട്ട് കോടിക്ക് നിര്‍മിക്കുകയും 53 കോടി നേടുകയും ചെയ്‍തിരുന്നു.

തമിഴകത്തിന്റെ ധനുഷ് നായകനായി ഒടുവില്‍ വന്നത് രായനാണ്. ആഗോളതലത്തില്‍ ധനുഷിന്റെ രായൻ 150 കോടിയില്‍ അധിക നേടിയിരുന്നു. രായൻ ആമസോണ്‍ പ്രൈം വീഡിയോയിലൂടെ ഒടിടിയിലും പ്രദര്‍ശനത്തിനെത്തിയപ്പോഴും വൻ പ്രതികരണമാണ് ലഭിച്ചിരുന്നത്.