നിഖില വിമൽ ചിത്രം, ‘പെണ്ണ് കേസ്’ ചിത്രീകരണം മൈസൂരുവില്‍ ആരംഭിച്ചു

നിഖില വിമലിനെ പ്രധാന കഥാപാത്രമാക്കി നവാഗതനായ ഫെബിൻ സിദ്ധാർത്ഥ് സംവിധാനം ചെയ്യുന്ന ചിത്രമാണ് പെണ്ണ് കേസ്. സിനിമയുടെ ചിത്രീകരണം ഇന്ന് മൈസൂരുവില്‍ ആരംഭിച്ചു. ഇ ഫോര്‍ എക്സ്പെരിമെന്‍റ്, ലണ്ടന്‍ ടാക്കീസ് എന്നീ നിര്‍മ്മാണ കമ്പനികളുടെ ബാനറില്‍ രാജേഷ് കൃഷ്ണ, മുകേഷ് ആര്‍ മേത്ത, സി വി സാരഥി എന്നിവര്‍ ചേര്‍ന്നാണ് ചിത്രത്തിൻ്റെ നിര്‍മ്മാണം നിർവഹിക്കുന്നത്.

ചിത്രത്തില്‍ മലയാളത്തിലെ മറ്റ് പ്രമുഖ താരങ്ങളും എത്തുന്നുണ്ട്. രശ്മി രാധാകൃഷ്ണനും ഫെബിന്‍ സിദ്ധാര്‍ഥും ചേര്‍ന്നാണ് തിരക്കഥ ഒരുക്കുന്നത്. ഛായാഗ്രഹണം ഷിനോസാണ് നിർവഹിതക്കുന്നത്. അതേസമയം വിനയ് ഗോവിന്ദ് സംവിധാനം ചെയ്ത ഗെറ്റ് സെറ്റ് ബേബിയാണ് നിഖില വിമലിന്‍റേതായി ഏറ്റവുമൊടുവില്‍ തിയറ്ററുകളില്‍ എത്തിയ ചിത്രം. ഉണ്ണി മുകുന്ദനാണ് ചിത്രത്തിലെ നായകന്‍.