ടാങ്കർ ലോറി അപകടം; യുവാവിന് പരിക്ക്

പാലക്കാട്: വാഹനാപകടത്തിൽ ബൈക്ക് യാത്രികന് പരുക്ക്. പാലക്കാട് കഞ്ചിക്കോട് കൂട്ടുപാത പാലത്തിന് മുകളിലായിരുന്നു അപകടം. അകത്തേത്തറ സ്വദേശി ജയസൂര്യ (20) നാണ് പരിക്കേറ്റത്. ഗുരുതര പരിക്കുകളോടെ ജയസൂര്യയെ ജില്ലാ ആശുപത്രിയിൽ പ്രവേശിപ്പിച്ചു.ഇടിച്ച ടാങ്ക൪ ലോറി നി൪ത്താതെ പോയതായി ദൃക്സാക്ഷികൾ പറഞ്ഞു.

യുവാവിന്‍റെ കൈയ്ക്കും കാലിനും മുഖത്തും ഉള്‍പ്പെടെ പരിക്കേറ്റു. സംഭവത്തെ തുടര്‍ന്ന് സ്ഥലത്ത് പൊലീസെത്തി. ഇടിച്ചശേഷം നിര്‍ത്താതെ പോയ ടാങ്കര്‍ ലോറിക്കായി അന്വേഷണം ആരംഭിച്ചു.