പുറത്തുവന്ന വിവരങ്ങള്‍ ഞാന്‍ എഴുതിയതല്ല ; ഇ.പി ജയരാജൻ

കണ്ണൂർ: പോളിങ് ദിനത്തിൽ ഇടതുമുന്നണിയെ വെട്ടിലാക്കിയ ആത്മകഥാ വിവാദത്തോട് പ്രതികരണവുമായി  ഇ.പി ജയരാജൻ.ആത്മകഥയിൽ പരാമർശിച്ചിരിക്കുന്ന വിവരങ്ങള്‍ താൻ എഴുതിയതല്ല.അതിനാൽ ഈ വിവാദം പൂർണമായും തള്ളുന്നുവെന്ന് ഇ.പി.

‘ആത്മകഥ എഴുതിക്കൊണ്ടിരിക്കുകയാണ്. പൂര്‍ത്തിയായിട്ടില്ല. പുസ്തകം പ്രസിദ്ധീകരിക്കാനോ പ്രിന്റ് ചെയ്യാനോ ആരെയും ചുമതലപ്പെടുത്തിയിട്ടില്ലെന്നും അദ്ദേഹം പ്രതികരിച്ചു.

എഴുതാത്ത കാര്യങ്ങളാണ് ഇന്ന് വാർത്തയായി കാണുന്നത്. തിരഞ്ഞെടുപ്പ് ദിവസം പാർട്ടിക്കെതിരായി വാർത്ത സൃഷ്ടിക്കുന്നതിന് വേണ്ടി ബോധപൂർവം ചെയ്തതാണ് ഇത്. എന്റെ പുസ്തകം പ്രസിദ്ധീകരിക്കുമ്പോള്‍ കാര്യം മനസ്സിലാകുന്നുവെന്നും അദ്ദേഹം കൂട്ടിച്ചേർത്തു.