ഡോ​ണ​ൾ​ഡ് ട്രം​പി​നെ ഫോ​ണി​ൽ വി​ളി​ച്ച് അ​ഭി​ന​ന്ദി​ച്ച് ക​മ​ലാ ഹാ​രി​സ്

വാ​ഷിം​ഗ്ട​ൺ ഡി​സി: അ​മേ​രി​ക്ക​ൻ പ്ര​സി​ഡ​ന്‍റ് തെ​ര​ഞ്ഞെ​ടു​പ്പിൽ ഉജ്വല വിജയം നേടിയ ഡോ​ണ​ൾ​ഡ് ട്രം​പി​നെ അ​ഭി​ന​ന്ദി​ച്ച് ഡെ​മോ​ക്രാ​റ്റി​ക്ക് സ്ഥാ​നാ‌​ർ​ഥി ക​മ​ലാ ഹാ​രി​സ്.ഫോ​ണി​ലൂ​ടെ​യാ​ണ് ക​മ​ല ട്രം​പി​നെ അ​ഭി​ന​ന്ദ​നം അ​റി​യി​ച്ച​ത്.

ട്രം​പ് എ​ല്ലാ അ​മേ​രി​ക്ക​ക്കാ​രു​ടെ​യും പ്ര​സി​ഡ​ന്‍റ് ആ​ക​ട്ടെ​യെ​ന്ന് ക​മ​ല ആ​ശം​സി​ച്ചു. പ്ര​ചാ​ര​ണ​ത്തി​ൽ ഉ​ട​നീ​ളം ക​മ​ല പ്ര​ക​ടി​പ്പി​ച്ച പ്ര​ഫ​ഷ​ണ​ലി​സ​ത്തെ​യും, സ്ഥി​ര​ത​യെ​യും ട്രം​പ് പ്ര​ശം​സി​ച്ചു. 538 അം​ഗ ഇ​ല​ക്‌​ട​റ​ൽ വോ​ട്ടി​ൽ ഫ​ലം പു​റ​ത്തു​വ​ന്ന​തി​ൽ 279 നേ​ടി​യാ​ണ് ട്രം​പ് വി​ജ​യം ഉ​റ​പ്പി​ച്ച​ത്. ഡെ​മോ​ക്രാ​റ്റി​ക് പാ​ർ​ട്ടി​യി​ലെ ക​മ​ല ഹാ​രി​സാ​യി​രു​ന്നു എ​തി​ർ​സ്ഥാ​നാ​ർ​ഥി. ക​മ​ല​യ്ക്ക് 223 വോ​ട്ടാ​ണു കി​ട്ടി​യ​ത്.

അമേരിക്കയുടെ 47ാം പ്രസിഡന്റായി ആധികാരിക വിജയം. ഇലക്ടറല്‍ കോളേജിന് പുറമേ കൂടുതൽ പോപ്പുലര്‍ വോട്ടുകളും സെനറ്റും നേടിയാണ് ഇത്തവണ അധികാരത്തിലെത്തുന്നത്.