ജനങ്ങൾ‌ ആഗ്രഹിക്കുന്ന വിധി ചേലക്കരയിലുണ്ടാക്കുമെന്ന് രമ്യ ഹരിദാസ്

കോട്ടയം: ചേലക്കരയിൽ പാട്ടു പാടി പ്രചരണം നടത്തുമോയെന്നു വഴിയേ കാണാമെന്ന് യുഡിഎഫ് സ്ഥാനാർഥി രമ്യ ഹരിദാസ്. ഉപതിരഞ്ഞെടുപ്പിൽ സ്ഥാനാർഥി പ്രഖ്യാപനത്തിന് ശേഷം രമ്യ ഹരിദാസ് പ്രതികരിച്ചു.

രമ്യ ഹരിദാസിന്റെ വാക്കുകൾ……..

ചേലക്കരയിലെ ആളുകളുടെ സ്‌നേഹവും പിന്തുണയുമായിരിക്കാം തന്നെ സ്ഥാനാർഥിയാക്കിയ പാർട്ടി തീരുമാനത്തിനു പിന്നിൽ‌. ലോക്സഭാ തിരഞ്ഞെടുപ്പിൽ പരാജയപ്പെട്ടിട്ടും ആലത്തൂരിൽ ഞാൻ തന്നെയുണ്ടായിരുന്നു.

പാർട്ടി ഉപതിരഞ്ഞെടുപ്പിൽ ഉത്തരവാദിത്തം ഏൽപ്പിക്കുമോ എന്നൊന്നും ചിന്തിക്കാതെയാണു അവിടെ തുർന്ന് പ്രവർ‌ത്തിച്ചത്.ആലത്തൂരിൽ ലോക്സഭയിൽ മത്സരിക്കാൻ അവസരം തന്നപ്പോഴും കഴിവിന്റെ പരമാവധി പ്രവർത്തിക്കാൻ ശ്രമിച്ചിട്ടുണ്ട്. അന്ന് പരാജയപ്പെട്ടെങ്കിലും മികച്ച പ്രകടനം കാഴ്ചവയ്ക്കാൻ പറ്റിയിരുന്നു.