വിദ്യാർത്ഥികൾക്ക് ക്യാഷ് അവാർഡ്

ഇടുക്കി : ദേവികുളം താലൂക്കിലെ സ്ഥാപനങ്ങളില്‍ പഠിച്ചതും എസ്.എസ്.എല്‍.സി, പ്ലസ് ടു ,ബിരുദം,പിജി, പ്രൊഫഷണല്‍ ഡിഗ്രി പരീക്ഷയില്‍ ഉന്നത വിജയം നേടിയ പട്ടികവര്‍ഗ്ഗ വിദ്യാര്‍ത്ഥികള്‍ക്കുള്ള ക്യാഷ് അവാര്‍ഡിനായി അപേക്ഷ ക്ഷണിച്ചു. അപേക്ഷകര്‍ക്ക് വേണ്ട ഏറ്റവും കുറഞ്ഞ യോഗ്യത താഴെ പറയുന്നു. ഏതെങ്കിലും വിഷയത്തില്‍ ഡി ഗ്രേഡ് ഉള്ളവരെ അവാര്‍ഡിനു പരിഗണിക്കുന്നതല്ല.

• എസ്എസ്എല്‍ സി – 6 ബി,4 സി ഗ്രേഡുകള്‍
• സിബിഎസ് ഇ(10) – 3 ബി, 2 സി ഗ്രേഡുകള്‍
• പ്ലസ് ടു – 4 ബി, 2 സി ഗ്രേഡുകള്‍
• ഡിഗ്രി/,പിജി – ഫസ്റ്റ് ക്ലാസ്

നിശ്ചിത മാതൃകയില്‍ തയ്യാറാക്കിയ അപേക്ഷയോടൊപ്പം ജാതി സര്‍ട്ടിഫിക്കറ്റ്, എസ്.എസ്.എല്‍.സി, പ്ലസ് ടു ,ബിരുദം,പിജി, പ്രൊഫഷണല്‍ ഡിഗ്രി എന്നിവയുടെ സാക്ഷ്യപ്പെടുത്തിയ പകര്‍പ്പ്, മൊബൈല്‍ നമ്പര്‍, ആധാര്‍ കാര്‍ഡ് പകര്‍പ്പ്, വിദ്യാര്‍ത്ഥിയുടെ പേരിലുള്ള ബാങ്ക് പാസ് ബുക്കിന്റെ ആദ്യ പേജിന്റെ പകര്‍പ്പ് എന്നിവ സഹിതം മൂന്നാര്‍,മറയൂര്‍,അടിമാലി ട്രൈബല്‍ എക്സ്റ്റന്‍ഷന്‍ ഓഫീസുകളിലോ, അടിമാലി ട്രൈബല്‍ ഡെവലപ്പ്‌മെന്റ് ഓഫീസിലോ ഒക്‌ടോബര്‍ 23 – നകം സമര്‍പ്പിക്കേണ്ടതാണ്. വിശദവിവരങ്ങള്‍ക്ക് 04864224399