വിദ്യാഭ്യാസ മന്ത്രിയ്ക്ക് 1500 പുതുവത്സര ആശംസാകാർഡ് 

വിദ്യാഭ്യാസ വകുപ്പ് മന്ത്രി വിശിവൻകുട്ടിയ്ക്ക് പുതുവർഷ സന്ദേശമെഴുതിയ ആയിരത്തി അഞ്ഞൂറ് കാർഡുകൾ അയച്ചു. കലവൂർ ഗവർമെന്റ് ഹയർ സെക്കൻഡറി സ്കൂളിലെ വിദ്യാർത്ഥികളാണ് ആശംസാകാർഡ് തയ്യാറാക്കി അയച്ചത്.

കുട്ടികളുടെ സർഗ്ഗശേഷി പ്രകടിപ്പിക്കാൻ കഴിയുന്ന നിലയിൽ ചിത്രങ്ങളായും സാഹിത്യരൂപങ്ങളായുമാണ് കാർഡ് തയ്യാറാക്കിയത്. രചനാ പ്രക്രീയയിൽ മുഴുവൻ കുട്ടികളെയും പങ്കാളികളാക്കുകയാണ് ലക്ഷ്യം. വിദ്യാരംഗം സാഹിത്യ ക്ലബ്ബിന്റെ നേതൃത്വത്തിലാണ് പരിപാടി നടത്തിയത്.

ക്ലാസ് അടിസ്ഥാനത്തിൽ തയ്യാറാക്കിയ കാർഡുകൾ കുട്ടികൾ തന്നെ തരം തിരിച്ച് പാക്ക് ചെയ്ത് തപാൽ വകുപ്പ് വഴിയാണ് മന്ത്രി ഓഫീസിലേക്ക് അയച്ചത്. സ്കൂൾ പ്രധാന അധ്യാപിക ജെ ഗീത, എസ് എം സി ചെയർമാൻ പി വിനീതൻ, വൈസ് ചെയർമാൻ കെ വി രതീഷ്, പിടിഎ അംഗം മജീദ് കലവൂർ തുടങ്ങിയവർ നേതൃത്വം നൽകി.