സർക്കാരി​ന്റെ വികസന സദസുകൾക്ക് ഇന്ന് തുടക്കമാവും; സംസ്ഥാനതല ഉദ്ഘാടനം മുഖ്യമന്ത്രി നിർവഹിക്കും

തിരുവനന്തപുരം: സംസ്ഥാന സർക്കാരി​ന്റെ വികസന സദസുകൾ ഇന്ന് തുടങ്ങും. പഞ്ചായത്ത്, നഗരസഭ, കോർപ്പറേഷൻ എന്നീ തലങ്ങളിലാണ് വികസന സദസുകൾ സംഘടിപ്പിക്കുന്നത്. സംസ്ഥാനതല ഉദ്ഘാടനം ഇന്ന് തിരുവനന്തപുരം നിശാഗന്ധി ഓഡിറ്റോറിയത്തിൽ നടക്കും. മുഖ്യമന്ത്രി പിണറായി വിജയൻ ഉദ്ഘാടനം നിർവഹിക്കും.

മന്ത്രിമാരായ എം.ബി രാജേഷ്, വി. ശിവൻകുട്ടി, ജി.ആർ അനിൽ പങ്കെടുക്കും. ഇന്ന് മുതൽ ഒക്ടോബർ 20 വരെയാണ് വികസന സദസുകൾ സംഘടിപ്പിക്കുന്നത്. സംസ്ഥാന സർക്കാരിന്റെയും തദ്ദേസ്ഥാപനങ്ങളുടേയും വികസന നേട്ടങ്ങൾ ജനങ്ങളിലെത്തിക്കാനും ഭാവി വികസനത്തിനായുള്ള നിർദേശങ്ങൾ സ്വരൂപിക്കാനുമാണ് വികസന സദസ് സംഘടപ്പിക്കുന്നതെന്നാണ് സർക്കാർ വാദം.

തദ്ദേശ സ്വയംഭരണ വകുപ്പും ഇൻഫർമേഷൻ പബ്ലിക് റിലേഷൻസ് വകുപ്പുമാണ്‌ പരിപാടിയുടെ സംഘാടകർ. അതേസമയം, പരിപാടി ബഹിഷ്കരിക്കാനാണ് പ്രതിപക്ഷ തീരുമാനം.