യുഎഇയിൽ സ്വർണവിലയിൽ തുടർച്ചയായ ഇടിവ് രേഖപ്പെടുത്തുന്നു. ട്രഷറി ബോണ്ട് വരുമാനം ഉയർന്നതും മധ്യപൂർവദേശത്തെ സംഘർഷങ്ങളും നിലനിൽക്കുന്നതിനിടെ ഇന്നത്തെ വ്യാപാരത്തിൽ ഗ്രാമിന് മൂന്ന് ദിർഹത്തിലധികമാണ് കുറവുണ്ടായത്. ദുബായ് ജ്വല്ലറി ഗ്രൂപ്പിന്റെ കണക്കുപ്രകാരം 24 കാരറ്റ് സ്വർണം ഗ്രാമിന് 519.25 ദിർഹമായാണ് കുറഞ്ഞത്. കഴിഞ്ഞ ഒൻപത് ദിവസത്തിനുള്ളിൽ മാത്രം ഗ്രാമിന് ആകെ 39 ദിർഹത്തോളമാണ് ഇടിവുണ്ടായിരിക്കുന്നത്.
നിലവിലെ വിപണി നിരക്ക് അനുസരിച്ച് 22 കാരറ്റ് സ്വർണത്തിന് 480.75 ദിർഹവും, 21 കാരറ്റിന് 461.0 ദിർഹവും, 18 കാരറ്റിന് 395.0 ദിർഹവുമാണ് വില വരുന്നത്. രാജ്യാന്തര വിപണിയിൽ സ്പോട്ട് ഗോൾഡ് വില ഔൺസിന് 4,304 ഡോളറിലേക്ക് താഴ്ന്നിട്ടുണ്ട്. അമേരിക്കൻ-ഇറാൻ തർക്കങ്ങളും ആഗോള വിപണിയിലെ അനിശ്ചിതത്വങ്ങളുമാണ് സ്വർണവിലയിലെ ഈ തുടർച്ചയായ മാറ്റങ്ങൾക്ക് പ്രധാന കാരണമായി ചൂണ്ടിക്കാണിക്കപ്പെടുന്നത്.