സ്വച്ഛ് സർവ്വേക്ഷൺ സർവ്വേയിൽ എറണാകുളം ജില്ലാ തലത്തിൽ രണ്ടാം സ്ഥാനം കരസ്ഥമാക്കി മരട് നഗരസഭ

മാലിന്യ നിർമ്മാർജ്ജനത്തിൽ സംസ്ഥാനതലത്തിൽ നടത്തുന്ന സ്വച്ഛ് സർവ്വേക്ഷൺ സർവ്വേയിൽ ജില്ലാ തലത്തിൽ രണ്ടാം സ്ഥാനം കരസ്ഥമാക്കി മരട് നഗരസഭ.
അഖിലേന്ത്യാ തലത്തിൽ 4589 നഗരസഭകളിൽ മരട് 488-ാം സ്ഥാനത്തെത്തി. 2023 ൽ മരട് നഗരസഭ 3752 -ാമത്തെ സ്ഥാനത്തായിരുന്നു. മറ്റു തദ്ദേശ സ്വയംഭരണ സ്ഥാപനങ്ങൾക്ക് മാതൃകയാക്കത്തക്ക വിധത്തിലുള്ള മരടിന്റെ മാലിന നിർമ്മാർജ്ജന പ്രവർത്തനങ്ങൾക്ക് നേതൃത്വം നൽകി വരുന്ന നഗരസഭയിലെ ഹെൽത്ത് ടീം , ശുചീകരണ തൊഴിലാളികൾ, ഹരിത കർമ്മസേന എന്നിവരുടെ പ്രവർത്തനത്തെ അനു മോദിച്ചു കൊണ്ട് നഗരസഭാ ചെയർമാൻ ആൻ്റണി ആശാം പറമ്പിൽ കേക്ക് മുറിച്ച് സന്തോഷം പങ്കിട്ടു.

വൈസ് ചെയർപേഴ്സൺ അഡ്വ. രശ്മി സനിൽ, സ്റ്റാന്റിംഗ് കമ്മിറ്റി ചെയർപേഴ്സൻമാരായ റിനി തോമസ്, ബിനോയ് ജോസഫ് , കൗൺസിലർമാരായ ചന്ദ്രകലാധരൻ , പി.ഡി. രാജേഷ്, മോളി ഡെന്നി , അനീഷ് കുമാർ , പത്മപ്രിയ വിനോദ്, നഗരസഭാ സെക്രട്ടറി ഇ. നാസ്സിo, ഹെൽത്ത് സൂപ്പർവൈസർ പ്രേംചന്ദ് . പി, ജൂനിയർ ഹെൽത്ത് ഇൻസ്പെക്ടർമാരായ ഹുസൈൻ .എ, അഞ്ജു , അനീസ് , അബ്ദുൾ സത്താർ, വിനു മോഹൻ തുടങ്ങിയവർ പ്രസംഗിച്ചു.