ഫെഡറൽ ബാങ്കിന്റെ വെൽത്ത് മാനേജ്മന്റ് വിഭാഗം വിവാന്തയിൽ സംഘടിപ്പിച്ച 'വെൽത്ത് ആൻഡ് വിസ്ഡം' പരിപാടിയിൽ ബാങ്കിൻ്റെ തിരുവനന്തപുരം റീജിയണൽ വെൽത്ത് ആർ എം കിരൺ യു എ, സോണൽ വെൽത്ത് മാനേജർ ഗോകുൽ ജി പ്രഭു, വെൽത്ത് വിഭാഗം സെയിൽസ് ഹെഡ് (കേരളം) കണ്ണൻ ആർ, മാനസ പ്രസാദ്, ഐശ്വര്യ പി എസ്, ഫെഡറൽ ബാങ്ക് സീനിയർ വൈസ് പ്രസിഡന്റും തിരുവനന്തപുരം സോണൽ മേധാവിയുമായ ഷിജു കെ വി, ബാങ്കിൻ്റെ വെൽത്ത് ആൻഡ് ബാങ്കഷ്വറൻസ് മേധാവിയും കൺട്രി ഹെഡുമായ വീരേന്ദ്ര സോംവൻശി, സോണൽ വെൽത്ത് ആൻഡ് ഇൻഷുറൻസ് ഹെഡും ഡെപ്യുട്ടി വൈസ് പ്രസിഡന്റുമായ അനിൽകുമാർ ആർ, നിപ്പോൺ ഇന്ത്യ മ്യൂച്വൽ ഫണ്ട് ഇക്വിറ്റി പ്രൊഡക്റ്റ് സ്പെഷ്യലിസ്റ്റ് ശ്രീകുമാർ മേനോൻ, സെഗ്മെന്റ് മേധാവി - ആർ ബി ഡി ശ്യാമക് ജൽ, തിരുവനന്തപുരം ക്ലസ്റ്റർ ഹെഡ് റഹീം എം ബി, അസോസിയേറ്റ് റീജണൽ ഹെഡ് (കേരളം) ജിതിൻ ജോസ് എന്നിവർ.
തിരുവനന്തപുരം: ഓഹരി വിപണിയിലെ മികച്ച നിക്ഷേപ രീതികൾ മനസിലാക്കി ദീർഘകാല സമ്പാദ്യം ഉറപ്പാക്കുന്നതിന് ഇടപാടുകാരെ ശാക്തീകരിക്കുന്നതിന്റെ ഭാഗമായി ഫെഡറൽ ബാങ്കിന്റെ വെൽത്ത് മാനേജ്മന്റ് വിഭാഗം ‘വെൽത്ത് ആൻഡ് വിസ്ഡം’ സീരിസ് സംഘടിപ്പിച്ചു. ഉയർന്ന ആസ്തിയുള്ള ഇടപാടുകാരെ (എച്ച്എൻഐ) ലക്ഷ്യമിട്ട് വിവാന്ത ഹോട്ടലിൽ സംഘടിപ്പിച്ച പരിപാടിയിൽ ഫെഡറൽ ബാങ്ക് വെൽത്ത് മാനേജ്മന്റ് ആൻഡ് ബാങ്കഷ്വറൻസ് കൺട്രി ഹെഡ് വീരേന്ദ്ര സോംവൻശിയും നിപ്പോൺ ഇന്ത്യ മ്യൂച്വൽ ഫണ്ടിന്റെ ഇക്വിറ്റി സ്പെഷ്യലിസ്റ്റ് ശ്രീകുമാർ മേനോനും സംവദിച്ചു. നിലവിലെ ആഗോള സാമ്പത്തിക സാഹചര്യത്തിൽ ഓഹരിവിപണിയിൽ സംഭവിക്കാൻ സാധ്യതയുള്ള പ്രവണതകളെക്കുറിച്ചും നിക്ഷേപകർക്കുള്ള വെൽത്ത് മാനേജ്മന്റ് അവസരങ്ങളെക്കുറിച്ചുമാണ് പരിപാടിയിൽ സംവദിച്ചത്.
അതിസമ്പന്ന ഇടപാടുകാർക്കു പുറമെ വ്യവസായ പ്രമുഖരും പ്രതിനിധികളും മറ്റും പരിപാടിയിൽ സംബന്ധിച്ചു. സാമ്പത്തിക മാനേജ്മന്റ് മേഖലയിൽ ശരിയായ തീരുമാനം എടുക്കുന്നതിനും ദീർഘകാല സാമ്പത്തിക നേട്ടങ്ങൾ ഉറപ്പാക്കുന്നതിനും ഇടപാടുകാരെ പ്രാപ്തരാക്കുകയാണ് ഇത്തരം വിജ്ഞാനാധിഷ്ഠിത പ്രോഗ്രാമുകളിലൂടെ ലക്ഷ്യമിടുന്നതെന്ന് ഫെഡറൽ ബാങ്ക് അറിയിച്ചു.