വാഹന പ്രേമികൾക്ക് സന്തോഷ വാർത്ത: ജിഎസ്‍ടി കുറച്ചതോടെ ഈ കാറിന് എട്ടുലക്ഷം രൂപ കുറഞ്ഞു

ജർമ്മൻ ഓട്ടോ ബ്രാൻഡായ ഔഡി ഇന്ത്യ ജിഎസ്ടി 2.0 നടപ്പിലാക്കിയതിനുശേഷം അവരുടെ വാഹനങ്ങളുടെ വിലയിൽ കുറവ് വരുത്തി. ഇപ്പോൾ കമ്പനിയുടെ മോഡലുകൾക്ക് 2.5 ലക്ഷം മുതൽ 7.8 ലക്ഷം രൂപ വരെ വിലക്കുറവ് ലഭിക്കും. പുതിയ വിലകൾ 2025 സെപ്റ്റംബർ 22 മുതൽ ബാധകമാകുമെന്ന് കമ്പനി അറിയിച്ചു.

എൻട്രി ലെവൽ മോഡലുകൾ മുതൽ ഫ്ലാഗ്ഷിപ്പ് ക്യു 8 വരെ മോഡലുകൾക്ക് ഈ വിലക്കുറവ് ലഭിക്കും. ഔഡി സെഡാനുകൾക്കും എസ്‌യുവികൾക്കും വലിയ ആശ്വാസം ലഭിച്ചിട്ടുണ്ട്. ഔഡി എ4 ന്റെ വില ഏകദേശം 2.6 ലക്ഷം കുറഞ്ഞു. അതേസമയം, ഓഡി എ6 ഇപ്പോൾ ഏകദേശം 3.6 ലക്ഷം രൂപയ്ക്ക് ലഭ്യമാകും.

കമ്പനിയുടെ കിടിലൻ എസ്‌യുവിയായ ക്യു3 ന് ഏകദേശം മൂന്നു ലക്ഷം രൂപയുടെ ആനുകൂല്യം ലഭിക്കുമ്പോൾ, ക്യു5 ന് 4.5 ലക്ഷവും ക്യു7 ന് 6 ലക്ഷം രൂപ വരെയും ലഭിക്കും. ഏറ്റവും വലിയ കുറവ് ഫ്ലാഗ്ഷിപ്പ് ക്യു8 നാണ്. ഇത് ഇപ്പോൾ ഏകദേശം 7.8 ലക്ഷം രൂപ വിലകുറഞ്ഞതായി മാറിയിരിക്കുന്നു.

അതേസമയം മെഴ്‌സിഡസും ബിഎംഡബ്ല്യുവും ഇതിനകം വില കുറച്ചിട്ടുണ്ട്. ഇപ്പോൾ ഔഡിയും ഈ നടപടി സ്വീകരിച്ചിട്ടുണ്ട്. അത്തരമൊരു സാഹചര്യത്തിൽ, ഉത്സവ സീസണിൽ ആഡംബര കാറുകൾ വാങ്ങുന്നവർക്ക് ഇപ്പോൾ ഒരു സുവർണവസരം തന്നെയാണ്.