ലോകാത്ഭുതങ്ങളില്‍ ഒന്നായ താജ്മഹലില്‍ ചോര്‍ച്ച കണ്ടെത്തി

ലഖ്‌നൗ : ലോകാത്ഭുതങ്ങളില്‍ ഒന്നായ താജ്മഹലില്‍ ചോര്‍ച്ച കണ്ടെത്തി.താജ്മഹലിന്‍റെ പ്രധാന താഴികക്കുടത്തിലാണ് 73 മീറ്റര്‍ വരെ ഉയരത്തില്‍ ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യ ചോര്‍ച്ച കണ്ടെത്തിയത്. 15 ദിവസം പരിശോധന തുടരും.

വിദഗ്ധരെയെത്തിച്ച് അറ്റകുറ്റപ്പണി ആരംഭിക്കുമെന്ന് റിപ്പോർട്ട്. പണി പൂര്‍ത്തിയാക്കാന്‍ ഏകദേശം ആറ് മാസം വരെയെടുക്കും.കല്ലുകളെ യോജിപ്പിക്കുന്ന കുമ്മായക്കൂട്ട് നഷ്ടപ്പെട്ടതാകാം ചോര്‍ച്ചയ്ക്ക് കാരണമെന്നാണ് വിലയിരുത്തുന്നത്.