അടിസ്ഥാന പലിശനിരക്ക് വർധിപ്പിച്ച റിസർവ് ബാങ്ക് പണനയ സമിതിയുടെ തീരുമാനം വിപണി പ്രതീക്ഷിച്ചതായിരുന്നു. നയപരമായ മാറ്റം ഭൂരിഭാഗം പേരും പ്രതീക്ഷിച്ചിരുന്നില്ലെങ്കിലും പലിശനിരക്ക് കർക്കശമാക്കാനുള്ള സൂചനകൾ നല്കിക്കഴിഞ്ഞിരുന്നതിനാൽ പ്രഖ്യാപനം വിപണിയിൽ കാര്യമായ ചലനങ്ങളൊന്നും സൃഷ്ടിച്ചില്ല.
പണലഭ്യതയുമായി ബന്ധപ്പെട്ട് വിഷയങ്ങളിൽ ആവശ്യാനുസരണം നടപടികൾ കൈക്കൊള്ളാനുള്ള അവസരം റിസർവ് ബാങ്ക് നിലനിറുത്തിയിട്ടുമുണ്ട്.