മാർവൽ സൂപ്പർഹീറോ: കിടിലൻ സ്റ്റൈലിൽ ടിവിഎസ് എൻ‌ടോർക്ക് 125 സൂപ്പർ സ്ക്വാഡ് എഡിഷൻ

2025 ടിവിഎസ് എൻ‌ടോർക്ക് 125 സൂപ്പർ സ്ക്വാഡ് എഡിഷന്റെ ടീസർ പുറത്തിറക്കി കമ്പനി. കുറച്ച് വർഷങ്ങൾക്ക് മുൻപാണ് മാർവൽ സൂപ്പർഹീറോകളിൽ നിന്ന് പ്രചോദനം ഉൾക്കൊണ്ട് ടിവിഎസ് എൻ‌ടോർക്ക് 125 സൂപ്പർ സ്ക്വാഡ് എഡിഷൻ പുറത്തിറക്കിയത്. അയൺ മാൻ, ക്യാപ്റ്റൻ അമേരിക്ക, തോർ, ബ്ലാക്ക് പാന്തർ, സ്പൈഡർമാൻ തുടങ്ങിയ കഥാപാത്രങ്ങളിൽ നിന്ന് പ്രചോദനം ഉൾക്കൊണ്ടാണ് ഇതിന്റെ സ്റ്റൈലിംഗ്. ഇപ്പോൾ 2025 ൽ, പുതിയ സൂപ്പർഹീറോ തീമുകളും പെയിന്റ് സ്‍കീമുകളുമായി ഈ സ്‍കൂട്ടർ വീണ്ടും എത്താൻ പോകുകയാണ്.

ഡിസൈനിലും കളർ സ്‍കീമിലും മാത്രമായിരിക്കും ഏറ്റവും വലിയ മാറ്റം. സ്‍കൂട്ടറിന്റെ എഞ്ചിനും ബാക്കി ഹാർഡ്‌വെയറും അതേപടി തുടരും. 124.8 സിസി, സിംഗിൾ സിലിണ്ടർ 7,000 ആർ‌പി‌എമ്മിൽ 9.38 ബി‌എച്ച്‌പി ടോർക്ക് 5,500 rpm-ൽ 10.6 Nm ടോർക്കും സൃഷ്‍ടിക്കും. നിലവിലെ സൂപ്പർ സ്ക്വാഡ് പതിപ്പിന് 98,117 രൂപയാണ് (ഡൽഹി) എക്സ്-ഷോറൂം വില. 2025 പതിപ്പിന് 98,000 മുതൽ 1.05 ലക്ഷം രൂപ വരെ വില വരാം. 2025 എൻ‌ടോർക്ക് 125 സൂപ്പർ സ്ക്വാഡ് എഡിഷൻ ഹീറോ സൂം 125, സുസുക്കി അവെനിസ് 125, യമഹ റെയ്‌സെഡ്ആർ 125, അപ്രീലിയ എസ്ആർ 125 എന്നിവയുമായി നേരിട്ട് മത്സരിക്കും.

സൂപ്പർഹീറോ തീമിന്റെ ആരാധകർക്കും ശക്തമായ പ്രകടനം ആഗ്രഹിക്കുന്നവർക്കുമുള്ളതാണ് ഈ സ്‍കൂട്ടർ. ഇതിന് സവിശേഷവും സ്റ്റൈലിഷുമായ ഒരു രൂപകൽപ്പന ലഭിക്കുന്നു. ടീസർ മാത്രമേ വന്നിട്ടുള്ളൂവെങ്കിലും, അടുത്ത ഏതാനും ആഴ്ചകൾക്കുള്ളിൽ ഈ സ്കൂട്ടർ പുറത്തിറങ്ങുമെന്നാണ് പ്രതീക്ഷിക്കുന്നത്. കമ്പനി ഉടൻ തന്നെ ഔദ്യോഗിക തീയതി പ്രഖ്യാപിക്കും. ടിവിഎസ് എൻ‌ടോർക്ക് 125 സൂപ്പർ സ്ക്വാഡ് എഡിഷൻ (2025) വെറുമൊരു സ്കൂട്ടർ മാത്രമല്ല, മാർവൽ യൂണിവേഴ്‌സിന്റെ ആരാധകർക്കുള്ള ഒരു പ്രസ്താവനയാണ്. മികച്ച സ്റ്റൈലും, ശക്തമായ പ്രകടനവും, സൂപ്പർഹീറോ ടച്ചും ഉള്ള ഈ സ്കൂട്ടർ തീർച്ചയായും യുവാക്കളെയും മാർവൽ പ്രേമികളെയും ആകർഷിക്കും.