മംഗലപുരം ദേശീയപാതയില്‍ തടി ലോറി മറിഞ്ഞ് അപകടം; ഡ്രൈവർക്കും ക്ലീനർക്കും പരിക്ക്

തിരുവനന്തപുരം: മംഗലപുരം ദേശീയപാതയില്‍ തടി ലോറി മറിഞ്ഞ് അപകടം. തോന്നക്കല്‍ ആശാന്‍ സ്മാരകത്തിന് മുന്നിൽ ഇന്നലെ അര്‍ദ്ധരാത്രിയോടെയാണ് അപകടം നടന്നത്. ലോറിയില്‍ ഉണ്ടായിരുന്ന ഡ്രൈവര്‍ക്കും ക്ലീനര്‍ക്കും പരിക്കേറ്റു. തിരുവനന്തപുരം: മംഗലപുരം ദേശീയപാതയില്‍ തടി ലോറി മറിഞ്ഞ് അപകടം. തോന്നക്കല്‍ ആശാന്‍ സ്മാരകത്തിന് മുന്നിൽ ഇന്നലെ അര്‍ദ്ധരാത്രിയോടെയാണ് അപകടം നടന്നത്. ലോറിയില്‍ ഉണ്ടായിരുന്ന ഡ്രൈവര്‍ക്കും ക്ലീനര്‍ക്കും പരിക്കേറ്റു. വെള്ളറട സ്വദേശികളായ ഡ്രൈവര്‍ രതീഷ് ക്ലീനര്‍ അഖില്‍ എന്നിവര്‍ക്കാണ് അപകടത്തിൽ പരിക്കേറ്റത്. ഉടൻതന്നെ ഇവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

ആക്‌സില്‍ ഒടിഞ്ഞ ലോറി ഒരു വശത്തേക്ക് മറിയുകയായിരുന്നു. മറ്റു വാഹനങ്ങളില്‍ ഇടിക്കാത്തതിനാലാണ് വന്‍ ദുരന്തം ഒഴിവായത്. മംഗലപുരം പോലീസും കഴക്കൂട്ടത്തില്‍ നിന്ന് അഗ്നിശമനസേനയും സ്ഥലത്തെത്തിയാണ് രക്ഷാപ്രവർത്തനം നടത്തിയത്.