ബെംഗളൂരു എഫ്സി ഇന്ത്യന്‍ സൂപ്പര്‍ലീഗ് ഫൈനലില്‍; ഇഞ്ചുറി ടൈമില്‍ ഗോളടിച്ച് സുനില്‍ ഛേത്രി

മഡ്ഗാവ്: ബെംഗളൂരു എഫ്സി ഇന്ത്യന്‍ സൂപ്പര്‍ലീഗ് ഫൈനലില്‍. രണ്ടാംപാദ സെമിയില്‍ പരാജയപ്പെട്ടെങ്കിലും അഗ്രിഗേറ്റ് സ്‌കോറിന്റെ (32) ബലത്തിലാണ് ബെംഗളൂരു ഫൈനല്‍ എത്തിയത്. 2-1 നാണ് രണ്ടാം പാദത്തില്‍ ഗോവ വിജയിച്ചത്. ഇഞ്ചുറി ടൈമില്‍ സുനില്‍ ഛേത്രി നേടിയ ഗോളാണ് ടീമിന് ഫൈനല്‍ എത്തിച്ചത്. ആദ്യപാദത്തില്‍ 2-0 നാണ് ബെംഗളൂരു ജയിച്ചത്.

സ്വന്തം മൈതാനത്ത് മത്സരത്തിന്റെ ആദ്യമിനിറ്റുകളില്‍ തന്നെ ആക്രമിച്ചാണ് ഗോവ കളിച്ചത്. നിരവധി അവസരങ്ങള്‍ സൃഷ്ടിച്ചു. ആദ്യ പകുതി ഗോള്‍ രഹിതമായെങ്കിലും രണ്ടാം പകുതിയില്‍ കളി മാറി. 49-ാം മിനിറ്റിലും 88-ാം മിനിറ്റിലും ഗോവ ലക്ഷ്യം കണ്ടു. 49-ാം മിനിറ്റില്‍ ബോര്‍ജ ഹെറേരയും 88-ാം മിനിറ്റില്‍ അര്‍നാണ്ടോ സാദിക്കുമാണ് വലകുലുക്കിയത്. 2-0 ന് മുന്നിലെത്തിയതോടെ അഗ്രിഗേറ്റ് സ്‌കോറും തുല്യമായി. എന്നാല്‍ ഇഞ്ചുറി ടൈമില്‍ വലകുലുക്കി ഛേത്രി ബെംഗളൂരുവിനെ ഫൈനലിലെത്തിച്ചു.

ആദ്യപാദത്തില്‍ ഗോവയെ എതിരില്ലാത്ത രണ്ട് ഗോളിനാണ് ബെംഗളൂരു തോല്‍പ്പിച്ചത്. എഡ്ഗാന്‍ മെന്‍ഡസാണ് ബെംഗളൂരുവിനായി ഗോള്‍ നേടിയത്. ആദ്യപകുതിയില്‍ സന്ദേശ് ജിംഗാന്റെ സെല്‍ഫ് ഗോളും ടീമിന് ലഭിച്ചിരുന്നു. ഇരുപാദങ്ങളിലുമായി 3-2 എന്ന സ്‌കോറിനാണ് ബെം?ഗളൂരുവിന്റെ ഫൈനല്‍ പ്രവേശം.