ബംഗാൾ ഉൾക്കടലിൽ ന്യുനമർദ്ദം;മഴ ശക്തമാകാൻ സാധ്യത, നാളെ ആറ് ജില്ലകളിൽ യെല്ലോ അലർട്ട്

തിരുവനന്തപുരം: കേരളത്തിൽ നാളെ മുതൽ മഴ ശക്തമാകാൻ സാധ്യതയെന്ന് മുന്നറിയിപ്പ്.ബംഗാൾ ഉൾക്കടലിൽ ന്യുനമർദ്ദം രൂപപ്പെട്ടു. ഈ മാസത്തെ ആദ്യ ന്യുനമർദ്ദം ബംഗാൾ ഉൾക്കടലിൽ രൂപപ്പെട്ടത്. നാളെയോടെ ഒഡിഷ തീരത്തേക്ക് നീങ്ങുമെന്നാണ് പ്രതീക്ഷിക്കുന്നത്. നാളെ ആറ് ജില്ലകളില്‍ യെല്ലോ അലർട്ട് പ്രഖ്യാപിച്ചു. തൃശൂര്‍, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് യെല്ലോ അലര്‍ട്ട്. ഉത്രാട ദിനം മൂന്ന് ജില്ലകളില്‍ യെല്ലോ മുന്നറിയിപ്പുണ്ട്. കോഴിക്കോട്, കണ്ണൂര്‍, കാസർകോട് ജില്ലകൾക്കാണ് മഞ്ഞ അലര്‍ട്ട്. തിരുവോണ ദിനം കാര്യമായ മഴ ഇതുവരെ പ്രവചിച്ചിട്ടില്ല.