പീഡന പരാതി വ്യാജം; ഏത് അന്വേഷണത്തിനും തയ്യാറെന്ന് സി കൃഷ്ണകുമാർ 

പാലക്കാട്: തനിക്കെതിരായ പീഡന പരാതി തള്ളി ബിജെപി സംസ്ഥാന വൈസ് പ്രസിഡന്റും കോർ കമ്മിറ്റി അംഗവുമായ സി കൃഷ്ണകുമാർ. പരാതിക്ക് പിന്നിൽ സ്വത്തുതർക്കം ആണെന്നും ഏത് അന്വേഷണവും നേരിടാൻ തയ്യാറണെന്നും അദ്ദേഹം പറഞ്ഞു.

സ്വത്ത് തർക്ക കേസിന് ബലം കിട്ടാനാണ് ലൈംഗിക പീഡന പരാതി ഉന്നയിച്ചതെന്ന് സി കൃഷ്ണകുമാര്‍ പറയുന്നു.സ്വത്ത് തർക്കത്തിലും ലൈംഗിക പീഡന പരാതിയിലും 2014ൽ പൊലീസിൽ യുവതി പരാതി നൽകിയിരുന്നു. എന്നാൽ പരാതിയില്‍ കഴമ്പില്ലെന്ന് പൊലീസ് കണ്ടെത്തിയിരുന്നുവെന്നും സി കൃഷ്ണകുമാര്‍ കൂട്ടിച്ചേര്‍ക്കുന്നു.2023 ൽ സ്വത്ത് തർക്ക കേസിൽ അനുകൂല ഉത്തരവ് വന്നെന്നും അദ്ദേഹം പറഞ്ഞു.

പാലക്കാട് സ്വദേശിയാണ് ശ്രീകൃഷ്ണകുമാറിനെതിരെ ബിജെപി സംസ്ഥാന അധ്യക്ഷന് പരാതി നൽകിയത്.