പട്ടത്ത് പിക്കപ്പ് വാൻ തെരുവു വിളിക്കിലേക്ക് ഇടിച്ച് കയറി അപകടം

തിരുവനന്തപുരം: പട്ടത്ത് പിക്കപ്പ് വാൻ ഇടിച്ചു കയറി അപകടം. ഇന്ന് പുലർച്ചെ 12:45ന് പട്ടം പൊലീസ് സ്റ്റേഷന് മുൻവശത്തുള്ള തെരുവു വിളിക്കിലേക്കാണ് പിക്കപ്പ് വാഹനം ഇടിച്ചു കയറിയത്. പൊട്ടക്കുഴി ഭാഗത്തേക്ക് വരികയായിരുന്നു വാഹനമാണ് അപകടത്തിൽപ്പെട്ടത്. അപകടത്തെ തുടർന്ന് ഡ്രൈവർ സുധീഷ് ( 32 ) വാഹനത്തിൽ കുടുങ്ങി.

തിരുവനന്തപുരം യൂണിറ്റിൽ നിന്നും ഫയർഫോഴ്സ് എത്തിയാണ് ഇയാളെ രക്ഷപ്പെടുത്തിയത്. ഹൈഡ്രോളിക് ഉപകരണത്തിന്റെ സഹായത്തോടെ വാഹനത്തിന്റെ ഡോർ പൊളിച്ചാണ് ഡ്രൈവറെ പുറത്തെടുത്തത്. ഡ്രൈവർ ഉറങ്ങിയതാവാം അപകടകാരണമെന്നാണ് നിഗമനം. കാലുകൾക്ക് പരിക്കേറ്റതിനാൽ പിന്നാലെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.