നിർമ്മാണ വസ്തുക്കൾ കിട്ടാനില്ല; കെടിഎം ബൈക്കുകളുടെ ഉത്പാദനം നിർത്തി

കെടിഎം ഒരു ദുഷ്‌കരമായ ഘട്ടത്തിലൂടെയാണ് കടന്നുപോകുന്നത്. ഓസ്ട്രിയയിലെ മാറ്റിഗോഫെൻ പ്ലാന്റിൽ ബൈക്കുകളുടെ ഉത്പാദനം കമ്പനിക്ക് വീണ്ടും നിർത്തേണ്ടിവന്നു എന്നാണ് പുതിയ റിപ്പ‍ോ‍ട്ടുകൾ. ഉൽപ്പാദനത്തിന് ആവശ്യമായ ഘടകങ്ങളുടെ കുറവാണ് പ്രൊഡക്ഷൻ നി‍ത്തിവയ്ക്കുന്നതിലേക്ക് നയിച്ചത് എന്നാണ് റിപ്പോർട്ടുകൾ സൂചിപ്പിക്കുന്നത്.

അതേസമയം പ്രധാന വിതരണക്കാരുടെ കുടിശ്ശിക അടയ്ക്കാൻ കമ്പനിക്ക് കഴിഞ്ഞിട്ടില്ലെന്നാണ് റിപ്പോർട്ടുകൾ. ഇക്കാരണത്താൽ, ബൈക്ക് നി‍ർമ്മാണത്തിന് അവശ്യ ഘടകങ്ങളുടെ വിതരണം നിലച്ചു. ഈ ഭാഗങ്ങളില്ലാതെ ബൈക്ക് നിർമ്മിക്കുന്നത് അസാധ്യമായി. അത്തരമൊരു സാഹചര്യത്തിൽ, ഉത്പാദനം നിർത്തുകയല്ലാതെ കെടിഎമ്മിന് മറ്റ് മാർഗമില്ലായിരുന്നു.

2025 ജൂലൈ മുതൽ ഉത്പാദനം പുനരാരംഭിക്കാൻ പദ്ധതിയിടുന്നതായി കെടിഎം പറയുന്നു. കമ്പനി നിലവിൽ സാമ്പത്തിക ബുദ്ധിമുട്ടുകൾ മറികടക്കാൻ ശ്രമിക്കുകയാണ്. മുൻകാലങ്ങളിൽ, കെടിഎമ്മിന് വലിയ നഷ്ടം നേരിടേണ്ടി വന്നിരുന്നു. ഒരുഘട്ടത്തിൽ കമ്പനി വിൽക്കുകയോ അടച്ചുപൂട്ടുകയോ ചെയ്യേണ്ടി വന്നിരുന്നു. ഇപ്പോൾ കെടിഎം വീണ്ടും അതിന്റെ ഐഡന്റിറ്റി ശക്തിപ്പെടുത്തുന്ന തിരക്കിലാണ്.

പിരിച്ചുവിടലുകൾ ഒഴിവാക്കാൻ മെയ് 1 മുതൽ ജൂലൈ 31 വരെ ആഴ്ചയിൽ 30 മണിക്കൂർ പ്രവൃത്തി സമയം ഏർപ്പെടുത്തിയതായും റിപ്പോ‍ർട്ടുകൾ പറയുന്നു. കമ്പനിയിലെ ജീവനക്കാർക്ക് ആനുപാതികമായ വേതന വെട്ടിക്കുറവ് നേരിടേണ്ടിവരുമെന്നും റിപ്പോർട്ടുകൾ ഉണ്ട്. നിലവിൽ, ഉൽപ്പാദന വെയർഹൗസുകളിൽ അവശ്യ ഘടകങ്ങൾ ഇല്ലാത്തതിനാൽ ഉൽപ്പാദനം പുനരാരംഭിക്കുന്ന സമയപരിധി കമ്പനി പരാമർശിച്ചിട്ടില്ല.