വിനോദയാത്ര കഴിഞ്ഞ് മടങ്ങുന്നതിനിടെ അപകടം ദുരന്തമായി. കോഴിക്കോട് കൂടരഞ്ഞി–കക്കാടംപൊയിൽ റൂട്ടിൽ ഓപ്പൺ ജീപ്പ് താഴ്ചയിലേക്ക് മറിഞ്ഞ് ഒരാൾ മരിച്ചു. അപകടത്തിൽ ഏഴുപേർക്ക് പരിക്കേറ്റു. ഇതിൽ അഞ്ചുപേരുടെ നില ഗുരുതരമാണെന്നാണ് ലഭിക്കുന്ന വിവരം. രാത്രി എട്ടരയോടെയായിരുന്നു അപകടം.
കക്കാടംപൊയിലിലേക്ക് വിനോദയാത്ര പോയി മടങ്ങുകയായിരുന്ന മാറാട് സ്വദേശികളാണ് അപകടത്തിൽപ്പെട്ടത്. ഇവർ സഞ്ചരിച്ചിരുന്ന ഓപ്പൺ ജീപ്പ് പീടികപ്പാറ പള്ളിക്ക് സമീപത്തുവെച്ചാണ് അപകടത്തിൽപ്പെട്ടത്. ഇറക്കവും കൊടുംവളവുമുള്ള പ്രദേശത്ത് ജീപ്പിന്റെ നിയന്ത്രണം നഷ്ടപ്പെട്ടതായാണ് പ്രാഥമിക വിവരം.
അപകടത്തിന്റെ ശബ്ദം കേട്ട് ഓടിയെത്തിയ നാട്ടുകാരും പ്രദേശവാസികളും ചേർന്നാണ് രക്ഷാപ്രവർത്തനം നടത്തിയത്. പരിക്കേറ്റവരെ ഉടൻ സമീപത്തെ ആശുപത്രികളിൽ പ്രവേശിപ്പിച്ചു. ഏഴുപേർക്കാണ് പരിക്കേറ്റത്; ഇവരിൽ അഞ്ചുപേരുടെ ആരോഗ്യനില ഗുരുതരമാണ്.
ഇറക്കവും അപകടകരമായ വളവുകളും നിറഞ്ഞ പാതയിൽ നിയന്ത്രണം നഷ്ടപ്പെട്ടതാണ് അപകടത്തിന് കാരണമായതെന്നാണ് ലഭിക്കുന്ന വിവരം.