ഉഷ്ണതരംഗം;ഒമാനിൽ അതിതീവ്ര ജാഗ്രത നിർദേശം

മസ്കത്ത്: ഒമാനിൽ അതിതീവ്ര ഉഷ്ണതരംഗം ഉണ്ടായതായി കാലാവസ്ഥാ നിരീക്ഷണ വകുപ്പ് അറിയിച്ചു. ഇതേ തുടർന്ന് ബർകയിൽ താപനില 50 ഡിഗ്രി സെൽഷ്യസ് കടന്നു. അതേസമയം വിവിധ ഭാഗങ്ങളിൽ താപനില 50 ഡിഗ്രി സെൽഷ്യസിന് അടുത്തെത്തി.

ഹംറ അദ്ദുറൂഅ, സുവൈഖ്, വാദി അൽ മഅ്‌വൽ എന്നിവിടങ്ങളിൽ 49 ഡിഗ്രിക്ക് മുകളിലും ബിദ്ബിദ്, റുസ്താഖ്, നഖൽ, ആമിറാത്ത് എന്നിവിടങ്ങളിലും 48 ഡിഗ്രിക്ക് മുകളിലും താപനില റിപ്പോർട്ട് ചെയ്തു. വരും ദിവസങ്ങളിലും ഉയർന്ന താപനില തുടരുമെന്ന് കാലാവസ്ഥാ വകുപ്പ് അറിയിച്ചു.

രാജ്യം അതികഠിന ചൂടിലേക്ക് പോകുന്ന സാഹചര്യത്തിൽ പുറം ജോലിക്കാരും പുറത്തിറങ്ങുന്നവരും ആരോഗ്യ സുരക്ഷ ഉറപ്പുവരുത്താൻ മുൻകരുതൽ സ്വീകരിക്കണം. ചൂടിനെ പ്രതിരോധിച്ച് ശരീരം സംരക്ഷിക്കണമെന്ന് ആരോഗ്യ വിദഗ്ധരും നിർദേശിച്ചു.