ഇടുക്കിയിൽ ഭാര്യയെ വെട്ടി പരുക്കേൽപ്പിച്ചു; ഭർത്താവ് അറസ്റ്റിൽ

ഇടുക്കി: കുടുംബ വഴക്കിനെ തുടർന്ന് ഭാര്യയെ വെട്ടിപ്പരിക്കേൽപ്പിച്ചയാളെ അറസ്റ്റു ചെയ്തു.ആണ്ടിപ്പെട്ടി സ്വദേശി മദൻകുമാർ ആണ് പിടിയിലായത്.അയ്യപ്പൻകോവിൽ ചിന്ന സുൽത്താനിയ കോളനിയിൽ മണികണ്ഠൻ്റെ മകൾ ശരണ്യയെ വെട്ടി പരിക്കേൽപ്പിച്ചതിനാണ് മദൻ കുമാറിനെ അറസ്റ്റ് ചെയ്തത്.

മദൻകുമാറിൻറെ ഉപദ്രവം സഹിക്കാതെ വന്നതിനെ തുടർന്ന് നാലു ദിവസം മുൻപ് ശരണ്യയെ അച്ഛൻ കൂട്ടിക്കൊണ്ടു വന്നിരുന്നു. ശനിയാഴ്ച രാവിലെ സുൽത്താനിയായിൽ എത്തിയ മദൻ കുമാർ കൂടെ വരണമെന്ന് ശരണ്യയോട് ആവശ്യപ്പെട്ടതിനെ തുടർന്നുണ്ടായ തർക്കത്തിനിടെ മദൻകുമാർ കയ്യിൽ കരുതിയിരുന്ന അരിവാൾ ഉപയോഗിച്ച് ശരണ്യയെ വെട്ടുകയായിരുന്നു. പരിക്കേറ്റ ശരണ്യയെ കട്ടപ്പന താലൂക്ക് ആശുപത്രിയിൽ പ്രവേശിപ്പിച്ചു.