ആഹാ ഇനി കളർ ആകുമല്ലോ; പുതിയ കളർ ഓപ്ഷനുകളോടെ യമഹ R15 വരുന്നൂ

യമഹ മോട്ടോർ ഇന്ത്യ R15M, R15 V4, R15 എന്നിവയിൽ പുതിയ കളർ ഓപ്ഷനുകളോടെ പുതുക്കിയ R15 ലൈനപ്പ് അവതരിപ്പിച്ചു. 2025 യമഹ R15 ശ്രേണിയുടെ എക്സ്-ഷോറൂം വില 1.67 ലക്ഷം രൂപയാണ്. R15M പുതിയ മെറ്റാലിക് ഗ്രേ നിറത്തിലും, R15 V4 മെറ്റാലിക് ബ്ലാക്ക്, പുതുക്കിയ റേസിംഗ് ബ്ലൂ, മാറ്റ് പേൾ വൈറ്റ് പെയിന്റ് സ്‍കീമുകളിലും ലഭ്യമാണ്. പുതുക്കിയ R15S മാറ്റ് ബ്ലാക്ക് നിറത്തിലും, ചുവന്ന വീലുകളിലും ലഭ്യമാണ്.

2025 യമഹ R15, 6-സ്പീഡ് ഗിയർബോക്സുമായി ജോഡിയാക്കിയ 155 സിസി, സിംഗിൾ-സിലിണ്ടർ, ലിക്വിഡ്-കൂൾഡ് എഞ്ചിൻ ഉപയോഗിക്കുന്നത് തുടരുന്നു. മോട്ടോർ പരമാവധി 18.4 bhp പവറും 14.2 Nm ടോർക്കും ഉത്പാദിപ്പിക്കുന്നു. അസിസ്റ്റ്, സ്ലിപ്പർ ക്ലച്ച്, ട്രാക്ഷൻ കൺട്രോൾ, അപ്‌സൈഡ്-ഡൌൺ ഫ്രണ്ട് ഫോർക്കുകൾ, ക്വിക്ക് ഷിഫ്റ്ററുകൾ (തിരഞ്ഞെടുത്ത വകഭേദങ്ങളിൽ മാത്രം) തുടങ്ങിയ സവിശേഷതകൾ പുതുക്കിയ R15 ലൈനപ്പ് തുടർന്നും വാഗ്ദാനം ചെയ്യുന്നു

ഈ പുതുക്കിയ നിറങ്ങൾ അവതരിപ്പിക്കുന്നതിലൂടെ, ഉത്സവ സീസണിൽ ഉപഭോക്തൃ ആവേശം വർദ്ധിപ്പിക്കാനും ആദ്യമായി സ്‌പോർട്‌സ് ബൈക്ക് റൈഡർമാർക്കുള്ള സ്വപ്‍നം എന്ന R15 ന്റെ പ്രശസ്‍തി കൂടുതൽ ശക്തിപ്പെടുത്താനും യമഹ ലക്ഷ്യമിടുന്നുവെന്നും യമഹ പറയുന്നു.